“Блүүмберг” агентлагийн цахим хуудаснаа Майкл Коний бичсэн нийтлэлийг товчлон хүргэж байна.

Үйлдвэрлэлийн бүрэн хүчин чадлаараа ажиллаж эхэлбэл Монголын эдийн засгийн 30 хувийг дангаа­раа бүрдүүлэх Оюутолгойн зэс, алтны уурхайн хувь заяа тодорхой бус болж, энэ талаар хүлээлтийн байдал үүсээд нэлээд хуга­цаа өнгөрлөө.

“Рио Тинто” болон Мон­голын Засгийн газ­рын хооронд энэ төслийн татвар төлөлт, зардлын хэт өсөлт, удирдлагын хя­налтын талаар үүссэн зөр­чил шийдэгдтэл энэ бай­дал үргэлжлэх нь тодор­хой. “Рио Тинто”-гийн Лондон дахь хэвлэлийн төлөөлөгч И.Харри Оюу­толгойн уурхайд энэ сард хөрөнгө оруулалт хийгдэх эсэх талаар тойм­той ха­риулт өгөхөөс тат­галзсан юм. Юутай ч хоёр талын ээлжит уулзалт энэ сарын сүүлээр болох та­лаар Сангийн сайд Ч.Улаан мэдэгдээд байгаа билээ.

ОТ гэж товчлон нэрлэ­дэг Оюутолгойн уурхайд төрөл бүрийн бүтээгдэхүүн нийлүүлэх гэрээтэй ажил­ладаг компаниудад хоёр талын хэлэлцээ мухардалд ороод байгаа нь муугаар нөлөөлж байгаа аж. Эг­нээн­дээ 244 компани, бай­гууллагыг нэгтгэсэн Монголын бизнесийн зөв­лө­лийн тэргүүн Б.Бямба­сайхан хэлэхдээ, “Манай зөвлөлийн гишүүн компа­ниудын 80 гаруй хувь нь тус төсөлтэй шууд холбог­дон ажилладаг бөгөөд одоо үүсээд буй тодорхой бус байдал гэрээний дагуу гүйцэтгэх ажлуудыг хойш­луулахад хүргээд бай­на” гэсэн юм. Тэдгээр компаниудын төлөвлөсөн орлого саатахад хүрч, ал­даг­дал дагуулж байгаа ажээ.

Үүнээс гадна Оюутол­гой руу татах хоолойн шу­гам­ны ажил саатахад хү­рэх аюул нүүрлээд байгаа юм. Тэрхүү хоолойг татах дөрвөн тэрбум ам.дол­ларын төслийг Дэлхийн банкны Олон улсын сан­хүүгийн корпораци, Евро­пын шинэчлэл, хөгжлийн банк хамтран санхүү­жүү­лэхээр тохиролцсон билээ. Оюутолгойн хувь заяа хаашаа эргэх нь тодорхойгүй байгаа ч эд­гээр хоёр байгууллага тө­лөв байдал хэвийн гольд­ролдоо орно гэдэгт эргэл­зэхгүй байгаа аж.

Ер нь Оюутолгойг тойр­сон шуугиан ирэх зур­гадугаар сард болох Монголын Ерөнхийлөг­чийн ээлжит сонгуультай холбоотой улстөрчдийн маргаанаас хамаарч буйг ажиглагчид цохон тэм­дэглэх болсон юм.

Дэлхийн хэмжээний уул уурхайн энэ аварга төсөл бүрэн сүйрэхгүй, зогсохгүй гэдэг дээр олон улсын нэр хүнд бүхий шинжээчид санал нэгтэй байгааг эцэст нь улам­жил­маар байна.