Б.НАНДИН

Шри Ланк улсад үерийн улмаас амиа алдсан хүний тоо 159 болж, 200 гаруй хүн сураггүй алга болжээ. Тус улсад одоогоор борооны улирал болж байгаа ч энэ жилийн хувьд сүүлийн жилүүдэд тохиогоогүй байгалийн гамшиг болж 20,000 гаруй айл өрх өртөж, 108 мянган хүнийг түр хоргодох байр руу нүүлгэн шилжүүлжээ.

Өнгөрсөн баасан гарагт дайран өнгөрсөн Дитва хар салхины дараа улс даяар онц байдал зарласан ч улсын хэмжээнд цахилгаан, усны хангамж тасарснаас байдал илүү хүндэрсэн гэж албаныхан мэдэгдсэн байна. Канди, Бадулла зэрэг газруудад хамгийн олон хүн нас барсан бөгөөд тухайн бүс нутагт цахилгаан тасарсан хэвээр байна. "Олон хүн сүм хийд, болон байшиндаа толгой хоргодсон хэвээр байна. Бид тосгоноос гарч чадахгүй, хэн ч орж чадахгүй, учир нь бүх зам хөрсний гулгалтаас болж хаагдсан. Хоол хүнс байхгүй, цэвэр ус дуусч байна" гэж Маспаннагийн Бадулла тосгоны иргэн Саман Кумара утсаар ярилцлага өгөх үеэрээ ярьжээ.

Шри Ланкийн Засгийн газрын зүгээс шаардлагатай арга хэмжээг авч байгаа бөгөөд олон улсаас хандив тусламж хүсчээ.

Эх сурвалж: Zms.mn