Ж.Байденыг угсаа залгамжлах ханхүүтэй уулзахаас татгалзахыг уриалав

0
хуваалцах
677
үзсэн

З.БАТЦЭЦЭГ

 

АНУ-ын Ерөнхийлөгч Жо Байден Саудын Арабт айлчлах ёсгүй гэж АНУ-ын Төлөөлөгчдийн танхимын тагнуулын хорооны дарга Адам Шифф мэдэгдэв. Тэрбээр энэ тухайгаа CBS телевизээр ярилцлага өгөхдөө хэлэв. 

Улстөрчийн үзэж байгаагаар, Вашингтон нефтийн үнийг бууруулах хүсэлтэй байгаа ч Байден Саудын Арабын угсаа залгамжлах хунтайж Мохаммед бин Салман Аль Саудтай уулзахаас татгалзах ёстой. "Би байсан бол явахгүй. Би түүний гарыг барихгүй" гэж А.Шифф хэлэв.

Үүний зэрэгцээ конгрессмен Саудын Араб газрын тосны үнийг хэр зэрэг хянаж байгааг ойлгож буй гэдгээ хүлээн зөвшөөрсөн. "Би Саудын Арабыг нефтийн өртгийг бууруулах, эс тэгвээс олборлолтоо нэмэгдүүлэхийг хүсч байна" гэж тэр хэлэв. Шифф мөн Эр-Рияд хүний ​​эрхийг дээдлэх тал дээр өөрчлөлт хийхийг хүсч байгаагаа нэмж хэллээ.

Өмнө нь "Нью-Йорк таймс" сонинд нефтийн үнийг буулгах зорилгоор Жо Байден Эр-Риядад айлчлах төлөвлөгөөний талаар мэдээлж байсан. Тус хэвлэлд бичсэнээр, Америкийн удирдагч хоёр орны харилцааг сэргээхийг хүсч байна.

Эх сурвалж: www.polit.mn