Ч.ЗОТОЛ
Улсын Дээд Шүүхээс коронавируст халдварын дөрөв дэх давалгаа идэвхжсэнтэй холбогдуулан энэ сарын 21- ээс 27-ны өдрийг дуустал хугацаанд үйл ажиллагаандаа хязгаарлалт тогтоох болсноо мэдэгдлээ.
Дээрх хугацаанд Улсын Дээд шүүхэд гаргаж буй өргөдөл, хүсэлт, албан бичгийг шуудангаар болон info@supremecourt.mn цахим хаягаар хүлээн авах юм байна. Иймд “Шуудан болон байгууллагын цахим хаягаар хүлээн авсан баримтын талаар тухайн иргэнд хариу мэдэгдэх тул өөрийн хаяг, холбоо барих утасны дугаар, и-мэйл хаягаа тодорхой бичиж ирүүлнэ үү. Монгол Улсын Дээд шүүхийн Тамгын газрын Мэдээлэл лавлагаа (утас: 51-261698, 51-261544) уг өдрүүдэд ажиллах болно. Үүсээд байгаа нөхцөл байдалтай уялдуулан гаргасан шийдвэрт хүндэтгэлтэй хандаж, өөрийн болон бусдын эрүүл мэндийг сахин хамгаалж, болзошгүй эрсдэлээс урьдчилан сэргийлнэ үү” гэж мэдэгдэлд дурджээ.
Эх сурвалж: www.polit.mn
