Т.САЙХАН
2020.12.10
ЭМЯ-наас ээлжит хэвлэлийн хурлаа хийж, COVID-19-ийн халдварын нөхцөл байдлыг танилцууллаа. ХӨСҮТ-ийн Тандалт, судалгааны албаны дарга А.Амбасэлмаа өчигдөр хийгдсэн шинжилгээний хариуг танилцууллаа. Тэрээр "Арванхоёрдугаар сарын 9-нд улсын хэмжээнд 21470 хүнд шинжилгээ хийсэн. Ингэхэд таван хүний сорьцод халдвар илэрлээ. Батлагдсан таван тохиолдлын дөрөв нь Улаанбаатар хотод бүртгэгдсэн бөгөөд сүүлийн батлагдсан тохиолдлын ойрын хавьтал/гэр бүлийн гишүүд/ бөгөөд давтан шинжилгээгээр халдвар илэрлээ. Нэг хүн нь ХӨСҮТ-ийн сувилагч байна" гэв. Ингэснээр халдварын нийт тоо 447 болж байна.
Эх сурвалж:www.polit.mn
