Б.ДОЛЖИНЖАВ

Нийслэлийн Баянзүрх дүүргийн XI хорооны Богдхан уулын Төр хурхын аманд самар түүж явсан 37 настай эрэгтэй П, 44 настай эрэгтэй М нар өчигдөр /2020.10.01/ төөрчээ. Нийслэлийн Онцгой байдлын газрын алба хаагчид 03:47 цагт очиж эрэн хайх ажиллагаа зохион байгуулсан боловч үр дүнд хүрээгүй  байна. Тиймээс  Хан-Уул дүүргийн Гал түймэр унтраах, аврах 14 дүгээр ангийн алба хаагчдаар хүч нэмэгдүүлэн хайжээ. Улмаар 18:13 цагт Богдхан уулын Төр хурхын амны баруун энгэрээс 44 настай эрэгтэй М-ийг эсэн мэнд олсон бол 37 настай эрэгтэй П-ийн цогцсыг олж Цагдаагийн байгууллагад шилжүүлэн өглөө.

Эх сурвалж:www.polit.mn