Т.САЙХАН
МАН-ын Хяналтын ерөнхий хорооноос УИХ-ын гишүүн асан Н.Номтойбаярыг өнгөрсөн нэгдүгээр сарын 29-нд намаас гарсанд тооцох шийдвэрийг гаргасан. Улмаар УИХ-ын гишүүнээс түдгэлзүүлээд байгаа юм. Тэгвэл Н.Номтойбаяр 2020 оны УИХ-ын сонгуулд бие даан нэр дэвшихээр болсон тухай мэдээлэл байна. УИХ-ын сонгуулийн VII тойрог буюу Дорнод аймагт өрсөлдөхөөр яригдаж байгаа юм байна.
Улсын ерөнхий прокуророос бүрэн эрхийг түдгэлзүүлэх хүсэлтийг УИХ-д өгсний дагуу өнгөрсөн нэгдүгээр сарын 30-ны өдөр чуулганы нэгдсэн хуралдаанаар хэлэлцэн түдгэлзүүлсэн юм. Ингэснээр Н.Номтойбаярын бүрэн эрхгүй боловч УИХ-ын гишүүн хэвээр үлдсэн. Бүрэн эрхийг түдгэлзүүлэх шалтгаан нь хэвлэлийн хурал хийх үеэрээ мөрдөн байцаалт явуулж буй хэрэгтэй холбоотой мэдээллийг задалсан , дахин мэдээлэл задруулахгүй хэмээн түүнийг түдгэлзүүлэхэд санал оруулсан гэдгийг УЕП Б.Жаргалсайхан тайлбарлаж байсан юм.
Эх сурвалж:www.polit.mn
