Ч.Тулга Японы мэргэжлийн сүмогийн 71 дэх их аварга Ёкозуна Кисеносато зодог тайлахаа мэдэгджээ. Тэрээр монгол бөхчүүдийн 20 жилийн ноёрхлыг тасалж, аварга болсон билээ. Өдгөө 32 настай Кисеносато өнгөрсөн 2017 оны I, III дугаар сард түрүүлж, ёкозуна цолонд хүрсэн. Гэвч үүнээс хойш гэмтэл, бэртлийн улмаас төдийлэн амжилт гаргаж чадахгүй байгаа юм. Тэрээр мэдэгдэлдээ  “Би ёкозуна шиг сайн барилдаан үзүүлж чадаагүй учир зодог тайлахаар боллоо. Олон хүн надаас их зүйлийг хүсч байсан байх. Би зорилгоо биелүүлж чадалгүй буцаж буйдаа харамсч байна. Намайг уучлаарай. Та бүхний итгэлийг алдсанд. Би сүмогийн замыг сонгосондоо хэзээ ч харамсахгүй. Сүмо бол миний бүх зүйл” гэжээ. Эх сурвалж: www.polit.mn