Х.ОЮУНБОЛД
ОХУ болон АНУ-ын төлөөлөгчид 2020 онд болох цөмийн зэвсгийг үл дэлгэрүүлэх тухай гэрээний бага хурлын хүрээнд хоёр улс хамтран ажиллах боломжийг судалж, хэлэлцсэн гэж “Спутник” агентлагийн сэтгүүлч мэдээллээ. Энэ үйл ажиллагаанд АНУ-ын төлөөлөгчдийг Олон улсын аюулгүй байдал, цөмийн зэвсэг үл дэлгэрүүлэх асуудлыг хариуцсан АНУ-ын Төрийн нарийн бичгийн даргын зөвлөх Кристофер Форд ахалж оролцож байгаа юм. Харин ОХУ-ын төлөөлөгчдийг Гадаад хэргийн яамны дэргэдэх зэвсэглэлийн асуудал хариуцсан болон цөмийн зэвсгийг үл дэлгэрүүлэх газрын дарга Владимир Ермаков ахлан оролцож байна. Тэрээр “Цөмийн зэвсгийг үл дэлгэрүүлэх тухай гэрээний бага хуралд хоорондоо холбоотой цуврал сэдвээр хоёр орон хамтран ажиллах талаар судалж, хэлэлцсэн. Харин Сиритэй холбоотой асуудлын талаар хэлэлцээгүй” гэв.
Эх сурвалж: "Зууны мэдээ" сонин
