ДАШТ-ий тоглолт болох Сочи хотынхон энэ арга хэмжээг угтаж энэ сарын 25-нд ууланд их баяр наадам хийхээр бэлдэж эхэлжээ. Мөн Горький хот болон Сочи хотын Скайпарк эй жэй Хаккет цэцэрлэгт хүрээлэнд олон үйл ажиллагаа зохион байгуулна гэж тус хотын хэвлэлийн албанаас мэдээлсэн байна. Үйл ажиллагааны хамгийн чухал мөч нь анх удаа 2000 метрийн өндөрт хөлбөмбөг тоглож ОХУ-ын амжилтын номонд бүртгүүлэхээр төлөвлөж байгаа аж. Хэвлэлийн захиргааны албаны эрхлэгч энэ үйл ажиллагаанд ОХУ-ын амжилтын номын албан ёсны шүүгч ирнэ. Мөн тоглолтод хуучны ЗХУ-ын домогт хөлбөмбөгчин, тус хотын Элчин сайд Евгений Ловчев тоглоно гэв. Харин тоглолтын дараа тоглолтод оролцогчдын гарын үсгийг авах боломжтой. Үүнээс гадна ОХУ-ын “ДАШТ 2018”-ын билэг тэмдэг “Забикава” чонотой зурагаа авахуулах, ФИФА-гийн дүрстэй сувенир тоглоом авч болох юм байна.
Эх сурвалж: "Зууны мэдээ" сонин
