Х.ОЮУНБОЛД
ОХУ-д болох “ДАШТ 2018”-ын тасалбарыг Москвагийн цагаар 12:00 цагаас уржигдраас эхлэн худалдаалж эхэлжээ. Мөн тасалбарыг тэмцээн дуусах хүртэл зургадугаар сарын 15 хүртэл худалдах юм байна. Цахим хуудаст бичснээр хөлбөмбөгийн хорхойтнууд тоглолтын тасалбарыг худалдаж авах, захиалах боломжтой болж байгаа аж. Түүнчлэн тэмцээн дуусах хүртэл захиалга хийх боломжтой гэжээ. Ингэснээр тэд цахимаар тасалбараа захиалсан дарааллаараа худалдаж авах юм. ФИФА-гийн зүгээс одоогоор бүх тоглолтын тасалбар байгаа. Харин тасалбарыг эртхэн захиалбал зүгээр гэж зөвлөсөн байна. Учир нь тасалбар хурдан борлогдож болно гэжээ. Мөн захиалсан тасалбарыг тоглолт болох хотуудад ажиллах ФИФА-гийн тасалбар худалдаалах цэгүүдээс авч болно. Тэндээс цахимаар тасалбараа захиалсан хүмүүс бас авч болно гэж мэдэгджээ. Харин ирэх сарын 1-нээс энэ цэгүүдээс тасалбар үлдсэн тохиолдолд худалдаж авч болно гэсэн байна.
ЦЭНГЭЛДЭХ ХҮРЭЭЛЭН ҮЗЭГЧДЭЭР ДҮҮРНЭ ГЭЖ ИТГЭЖ БАЙНА
ФИФА-гийн тасалбарын хорооны дарга Фальк Эллер ОХУ-ын 11 хотод болох цэнгэлдэх хүрээлэн дүүрэн байна гэдэгт итгэж байгаа аж. Тэрээр сэтгүүлчдэд “Тоглолтын бүх тасалбар зарагдсан байхыг хүсч байна” хэмээжээ. Мөн ФИФА-гаас мэдээлснээр тоглолтын тасалбарыг өнгөрсөн есдүгээр сараас нийт 1.66986.049 тасалбарыг худалдаанд гаргасан гэж цахим хуудастаа бичжээ. Харин тасалбарын ихэнхийг ОХУ-ын иргэд (796.875) худалдаж авсан байна. Мөн тасалбар хамгийн их худалдаж авсан орны жагсаалтад Мексик,Герман,Бразил, АНУ болон Колумби оржээ.
Эх сурвалж: "Зууны мэдээ" сонин
