Х.ОЮУНБОЛД

  АНУ-ын ерөнхийлөгч Дональд Трамп ерөнхийлөгчийн сонгуульд өрсөлдөж байх үеэр түүний хэрэгжүүлэхийн тулд анхаарлаа хандуулах тэргүүлэх чиглэлийн нэг АНУ-ын зэвсэгт хүчнийг бэхжүүлэх,  байлдааны чадварыг өргөжүүлнэ гэж байсан юм. Мөн ерөнхийлөгч Владимир Путин  хүчин чадлаараа АНУ-ын дараа орох ОХУ-ын зэвсэгт хүчнийг орчин үеийн болгох төлөвлөгөөгөө танилцуулсан байна. Тэрээр   зэвсэгт хүчнээ агаарын, тэнгисийн, хуурай замын цэрэгтэй болгохыг зорьж байгаа юм.  Үүнээс гадна зэвсэгт хүчнийхээ зэвсэглэлийг 10 жил тутамд шинэчилж сайжруулж байхаар төлөвлөжээ. “Global Firepower” сайтынхан өнгөрсөн жил улс орнуудыг цэрэг, зэвсгийнх нь хүчин чадлыг харьцуулан үзэж байр эзлүүлэн жагсаалт гаргажээ. Энэ судалгааг гаргахдаа тэд эдгээр орнуудын зэвсэгт хүчний зэвсгийн тоо хэмжээ, түүний төрөл зүйл, цэргийн тоо,  ашиглагдаагүй байгалийн нөөц баялаг, газарзүйн байрлал, логистик хүчин чадал болон батлан хамгаалах ажиллагаанд зарцуулдаг жилийн төсвийг харгалзан үзсэн байна. Энэ сайтынхан цэрэг зэвсгийн хүчээрээ дэлхийд тэргүүлж байгаа 20 орныг дээр дурдсан хүчин зүйлийн дагуу тодруулжээ.

1. АНУ

АНУ-ын зэвсэгт хүчин 2.363.675  цэрэг, 13762 онгоц, 5884 танктай. Зэвсэгт хүчиндээ зарцуулдаг жилийн төсөв нь 587.000 ам.доллар ажээ.

2. ОХУ

Дэлхийн хоёр том дайныг тэсч давж гарсан агуу энэ гүрний зэвсэгт хүчин АНУ-аас илүү цэрэгтэй. Нийт зэвсэгт хүчин нь  3.371.027 цэрэгтэй ч танк, онгоц цөөхөн  ажээ.

3. БНХАУ

Тус улс Си Жиньпинийг БНХАУ-ын даргаар хугацаагүй сонгосон. Тэгвэл энэ орны зэвсэгт хүчин 3.712. 500 цэрэг, 2.955 нисэх онгоц, 6.457 танктай аж.

4. ЭНЭТХЭГ

Тус улс 4.297.250 цэргийн албан хаагчтай. Харин 2102 нисэх онгоцтой, 676 байлдааны онгоц, 4426 танктай.

5. ФРАНЦ

Францын зэвсэгт хүчин 387.635  цэрэгтэй ажээ.

6. ИХ БРИТАНИ

Их Британийн зэвсэгт хүчин 232.675  цэргийн албан хаагчтай. Мөн 865 нисэх онгоц, долоон усан онгоцтой, тэдний хоёр нь байлдааны хөлөг онгоц тээвэрлэгч онгоцтой аж.

7. ЯПОН

Энэ орны зэвсэгт хүчин 1.594 нисэх онгоц, 311.857 цэргийн албан хаагчтай. Цэргийн хүчин чадал, зэвсэглэлээр нь долдугаар байрт шалгаруулжээ.

8. ТУРК

Нийт 743.415 цэргийн албан хаагчтай. Туркийн зэвсэгт хүчин 2445 танктай.

9. ГЕРМАН

Дэлхийн дайны түүхэнд нэрээ үлдээсэн энэ орон нь цэрэг зэвсгийн хүчин чадлаараа энэ жагсаалтад багтжээ.  ЗХУ-тай хийсэн дайнд ялагдсан ч тухайн цагтаа хүчит Барс танк, “Мессерсшмит Бл 109”онгоцоороо гайхуулж явсан билээ.