Тэрбумтан Билл Гейтс “Реддит” олон нийтийн цахим сайтаас зохион байгуулдаг “Надаас асуу” уулзалтад оролцжээ. Тэрээр “Нийгэм шинэ төрлийн валютаар өвчилсөн байна. Энэ нь нийгэмд сөрөг нөлөө үзүүлж болох талаар санаа зовж байгаагаа мэдэгдсэн байна. Билл Гейтс цахим валютад тавих хяналт сул байгаа нь эрх баригчдад асуудал үүсгэнэ гэжээ. Харин “Засгийн газар мөнгө угаах, татвар төлөхөөс зайлсхийх болон алан хядагч нарыг санхүүжүүлэх асуудлыг судалж байгаа нь сайн хэрэг” гэв. Харин цахим валютийн үндсэн гол шинж нь хэрэглэгч өөрийн жинхэнэ нэрээ нууцлах явдал юм. Энийг нь би сайн зүйл гэж бодохгүй байна гэж ярьжээ. Тэрээр “Өнөөдөр цахим валютаар геройнаас 50 дахин хүчтэй фентанил бодис болон өөр төрлийн мансууруулах бодисыг худалдан авч байна. Харин бэлэн мөнгөнөөс ялгаатай нь цахим мөнгийг алсын зайнаас хэрэглэх боломжтой. Энэ нь түүнд хяналт тавих арга замыг устгаж байна. Үүнээс гадна цахим валютийн салбарт хөрөнгө оруулалт хийх нь сайн санаа биш. Хөрөнгө оруулалт хийснээр криптовалют мөнгөний эх үүслийг тавьж,санхүүжүүлж байна.
Мөн цахим валют нь их эрсдлийг дагуулна гэсэн юм. Билл Гейтс энэ талаар сөрөг бодолтой байгаа ганцхан тэрбумтан биш ажээ. Тухайлбал, “Apple” компанийг үүсгэн байгуулагчдын нэг Стив Возняк түүнээс нэг луйварчин долоон сая биткойн хулгайлсныг илрүүлснээ мэдэгдсэн байна. Тэрээр Энэтхэгт өнгөрсөн даваа гаригт болсон “Эдийн засгийн бизнесийн дэлхийн дээд хэмжээний уулзалт”-ын үеэр хэн нэгэн хулгайн кредит картаар биткойн худалдаж авчээ. Харин дараа нь худалдан авалтаа цуцалсан байсан. Цахим валютыг хулгайлахад ийм л амархан байна гэжээ. Түүнчлэн “Блокчэйн нь хэн биткойнтойг тодорхойлж чадна. Тиймээс энэ нь залилан хийж болохгүй гэсэн үг биш гэжээ. Харин “Apple” компанийн удирдлага өнгөрсөн жилийн аравдугаар сард биткойн нь алт, мөнгөнөөс илүү ашигтай байна гэж мэдэгдэж байв. Харин Билл Гейтс уулзалтын төгсгөлд ойрын хэдэн жилийн эдийн засаг,санхүү тийм ч сайн байхгүй. Хэдийгээр хэлэхэд хэцүү ч 2008 оныхтой төстэй санхүүгийн хямралтай тулгарах нь тодорхой байна гэжээ.
Эх сурвалж: "Зууны мэдээ" сонин
