Б.ТУУЛ

 Урин дулааны улирал ирж байгаатай хол­бог­дуулан орчны бохирдлыг багасгах, халдварт өвч­нөөс урьдчилан сэргийлэх зорилгоор дараах арга хэмжээг энэ оны гуравдугаар сард багтаан хэрэг­жүүлэхийг бүх шатны Засаг дарга нарт Эрүүл мэндийн сайд Н.Удвал албан даалгавар өгөв.

Сүүлийн жилүүдэд ус, хөрсний бохирдол, хур хогноос үүдэлтэй халдварт өвчнүүд ялангуяа гэ­дэсний халдварт өвчин , “А” вируст гепатит, цусан суулга, сальмонеллёз өв­чин ихэсчээ.  Тухайлбал, Булган, Хэнтий, Өмнө­говь аймаг, нийс­лэлийн Сонгинохайрхан дүүрэгт А вируст гепатит, Говь­сүмбэр, Дорноговь аймагт цусан суулга өвчний дэгдэлт гарсан байна. Тиймээс дараах албан даалгаврыг өгчээ.  Үүнд:

¨ Харьяа нутаг дэвс­гэрийн гудамж, талбай, гуу жалганд хуримт­лагд­сан хур хогийг цэвэрлэх, мал амьтны сэг, зэмийг зайлуулах арга хэмжээг зохион байгуулан сар бүрийн 1-ний өдрийг “ Их цэвэрлэгээний өдөр” болгон хэвшүүлэх

¨ Хог хаягдлын цэг, нийтийн бие засах газар, цэвэрлэх байгууламж, бо­хирын цооногийг стан­дарт, эрүүл ахуйн хэм хэм­жээний дагуу ши­нэчлэх, халдваргүйтгэх, шавьж­гүйтгэх арга хэм­жээг зохион байгуулах.

¨ Унд, ахуйн хэрэг­лээний усны эх булаг, ус түгээгүүрийн шугам сүлжээ, ус нөөцлөх сан, шахуургын станц, ус түгээх байранд холбогдох дүрмийн дагуу хам­гаалалтын бүс тогтоож, бохирдолтоос хамгаалах арга хэмжээг зохион бай­гуулж, хэрэгжилтэд хяналт тавих.  

¨ Усан сан, ус түгээх байранд цэвэрлэгээ, халд­варгүйтгэл, ариутгал тогт­мол хийж цаашид ули­рал бүр хийж хэвшүүлэх. Хүн амын унд ахуйд түгээж байгаа усны чанарт хяналт, шинжилгээ хийл­гэж, усны чанарыг сайж­руулах арга хэмжээ авах.

¨ Сум, дүүрэг, хороо, баг бүрт ариун цэврийн сайн дурын идэвхтэнг ажиллуулж, тэднийг урам­шуулах асуудлыг шийд­вэрлэх.

¨ Эрүүл, аюулгүй орчинг бүрдүүлсэн сум, дүүрэг, хороо, баг, айл өрхийг шалгаруулан сурталчилах.

¨ Эрүүл аж төрөх ёс, орчныг бохирдуулахгүй байх, халдварт өвчнөөс сэргийлэх талаар цуврал сургалт, сурталчилгааны арга хэмжээг эрчимтэй зохион байгуулахыг даалгав.

¨ Албан даалгаврын хэрэгжилтийг гарган 2013 оны дөрөвдүгээр сарын 5-ны өдрийн дотор Эрүүл мэндийн яаманд ирүүлэх. Тус яам энэхүү албан даал­гаврын хэрэгжилтийг 2013 оны Эрүүл мэндийг дэм­жих сар / дөрөвдүгээр сар/ -д дүгнэн, хэвлэл мэдээл­лийн хэрэгслээр мэдээлнэ гэлээ.