Венесуэлийн Ерөнхийлөгчийн үүрэг гүйцэтгэгч Делси Родригезийн мэдээлснээр, Венесуэлд болсон хүчтэй газар хөдлөлтийн улмаас дор хаяж 32 хүн нас барж, 700 орчим хүн бэртэж гэмтжээ. Тэрээр аврах болон онцгой байдлын алба гамшигт өртсөн бүс нутгуудад ажлаа үргэлжлүүлж байгаа тул амиа алдсан хүний тоо өөрчлөгдөж магадгүй гэжээ. Сануулахад, зургаадугаар сарын 24-ний орой Венесуэлийн Карибын тэнгисийн эрэгт 7.2 ба 7.5 магнитудын хүчтэй хоёр газар хөдлөлт болсон. Газар хөдлөлийн төвүүд нь Каракасаас баруун тийш 168 километрийн зайд байсан. Газар хөдлөлт нь зөвхөн Венесуэлд төдийгүй Колумб, Бразилд мэдрэгдсэн гэж олон улсын хэвлэлүүд мэдээлж байна.
Эх сурвалж: zms.mn
