Р.Оюун
Монгол-Оросын найрамдал хамтын ажиллагааны 65 дахь өдрийг тохиолдуулан Улаанбаатар дахь Русский дом, Найрамдлын нийгэмлэгүүдийн Монголын эвлэл хамтран Төв аймгийн Зуунмод хотноо “Орос хэл, соёлын бүсийн баяр”-ыг зохион байгууллаа. “Орос хэл, соёлын бүсийн баяр”-т Төв, Орхон, Дархан-Уул, Сэлэнгэ, Булган аймгийн ерөнхий боловсролын сургуулийн төгсөх ангийн сурагчид, орос хэлний багш нар оролцлоо. Түүнчлэн Монгол-Оросын найрамдал хамтын ажиллагааны 65 дахь өдрийн хүрээнд Улаанбаатар дахь Русский домын орос хэлний арга зүйч ерөнхий боловсролын сургуулиудын ахлах ангийн сурагчдад Оросын их, дээд сургуулиудад үнэ төлбөргүй суралцах боломжийн талаар мэдээлэл өгөв.
“Орос хэл, соёлын бүсийн баяр”-ын хүрээнд “Та Орос улс, орос хэлийг хэр сайн мэдэх вэ” асуулт хариултын тэмцээн, төгсөх ангийн сурагчдын дунд математик, хими, орос хэлний хичээлээр “Хувийн ажиллагаа” сэдэвт шалгалт авчээ. Мөн орос хэлний багш нарын дунд “Дугуй ширээний уулзалт” хийж, ОХУ, ЗХУ-д сургууль төгссөн төгсөгчид, орос хэлний багш нарын уулзалтыг зохион байгуулсан байна.
Аймгийн Засаг даргын зөвлөх Б.Отгонбаяр, ЗДТГ-ын дарга С.Цогбаяр болон бусад албаны хүмүүс ОХУ-аас Монгол Улсад суугаа Элчин сайдын яамны зөвлөх, Россотрудничество агентлагийн Монгол Улс дахь төлөөлөгчийн газрын тэргүүн Валерия Валерьевна Кильпякова тэргүүтэй Улаанбаатар хот дахь Русский домын зочид болон Буриад улсын их сургуулийн төлөөлөгчдийг хүлээн авч уулзлаа.
Нээлтийн үеэр Оросын хамтын ажиллагааны дарга В.Кильпякова, Монгол-Оросын Найрамдлын нийгэмлэгийн дэд ерөнхийлөгч Ё.Максим нар оролцож мөн Төв аймгийн Засаг дарга Л.Төмөрчөдөр хоёр талын боловсролын хамтын ажиллагааны ач холбогдлыг онцлон тэмдэглэв. “Орос орныг болон орос хэлийг мэдэх үү?” тэмцээний бүтээлч танилцуулгын шат амжилттай явагдлаа. Төвийн бүсийн уралдаанд Дархан-Уул, Булган, Төв, Сэлэнгэ, Орхон аймгийн таван баг оролцож, аугаа эх орны дайны ялалтын 80, Манжуурын ажиллагааны 80 жилийн ойд зориулсан бүтээлч үзүүлбэрүүдийг толилуулав.
Орос хэлний багш нарын мэргэжлийн ур чадварын тест, ахлах ангийн сурагчдын ОХУ-ын их, дээд сургуулийн элсэлтийн чиг баримжаат шалгалтыг Буриадын улсын их сургуулийн төлөөлөгчид боловсруулан зохион байгуулжээ. Тэмцээний нийлбэр дүнгээр Төв аймгийн “Найрамдал” баг тэргүүлэн цомын эзэн болж Улаанбаатар дахь Оросын Шаазангийн “Кремлийн шинэ жилийн мод”-нд оролцох эрхээр шагнууллаа. Шагнал гардуулах ёслолын үеэр Төв аймгийн болон Зуунмод сумын удирдлагууд дурсгалын болон мөнгөн шагнал гардуулж, Буриадын их сургууль, Плехановын их сургуулийн Улаанбаатар дахь салбарын төлөөллүүд онцгой амжилт үзүүлсэн оролцогчдыг тусгай шагналаар урамшуулсан юм.
Хоёрдугаар байрыг Сэлэнгэ аймгийн багийн багш, сурагчид, гуравдугаар байранд Булган аймгийн багийн багш, сурагчид эхний гурван байрыг эзэлсэн байна. Мөн ОХУ-ын Засгийн газрын их, дээд сургуульд 100 хувийн тэтгэлгээр суралцах таван эрхийг Төв аймгийн Зуунмод хотын нэгдүгээр сургуулийн XII ангийн сурагч Т.Хүсэлбаатар, А.Удвал, Дархан-Уул аймгийн “Оюуны ирээдүй” сургуулийн XII ангийн суралцагч Ж.Төрболд, Булган аймгийн хоёрдугаар сургуулийн XII ангийн суралцагч М.Василий, Сэлэнгэ аймгийн Алтанбулаг сумын сургуулийн XII ангийн суралцагч Ц.Даяндорж нар хүссэн сургуульдаа суралцах эрхийг авлаа.
Харин “Шилдэг багш”-аар Төв аймгийн Угтаал сумын сургуулийн орос хэлний багш Н.Нямдаваа, Батсүмбэр сумын сургуулийн орос хэлний багш Ц.Алтанзул нар шалгарлаа. “Шилдэг залуу багш” Ц.Алтанзул Вьетнам улсад мэргэжил дээшлүүлэх сургалтад хамрагдах эрхээр шагнагдаж тус улсыг зорьжээ. Энэ арга хэмжээ нь хоёр орны найрамдал, боловсролын хамтын ажиллагааг бэхжүүлэх, сурагчдын мэдлэг, авьяасыг дэмжих чухал үйл явдал болжээ.
Эх сурвалж: "Зууны мэдээ" сонин
2025 ОНЫ АРАВНЭГДҮГЭЭР САРЫН 19. ЛХАГВА ГАРАГ. № 219 (7716)
