Б.Нандин
Саудын Арабын ханхүү Мохаммед бин Салман энэ сарын 18-нд Цагаан ордонд зочилж АНУ-ын Ерөнхийлөгч Дональд Трамптай албан ёсны хэлэлцээ хийнэ гэж Цагаан ордноос мэдэгдэв.
Энэхүү айлчлал нь Трамп Саудын Арабыг Абрахамын хэлэлцээрт нэгдсэн орнуудын жагсаалтад нэгдэхийг шаардаж байгаатай холбоотой юм. 2020 онд Трамп Арабын Нэгдсэн Эмират Улс, Бахрейн, Судан, Марокко улсуудтай Израильтай харилцаагаа хэвийн болгох хэлэлцээр байгуулж чадсан. Гэвч
Палестины улс төрийн чиглэлд алхам хийгээгүй тул Саудын Араб уг хэлэлцээрт нэгдэхээс эргэлзэж байсан юм. Харин энэ айлчлалын үеэр Саудын Араб эцэст нь хэлэлцээрт нэгдэнэ гэж найдаж байгаагаа хэлэв. Трамп, Бин Салман нар мөн АНУ-Саудын батлан хамгаалах гэрээний талаар хэлэлцэж магадгүй юм.
Саудын Араб бол АНУ-ын зэвсгийн хамгийн том хэрэглэгчдийн нэг бөгөөд хоёр улс хаант улс газрын тос нийлүүлж, Вашингтон аюулгүй байдлыг хангадаг тохиролцоонд үндэслэн хэдэн арван жилийн турш бат бөх харилцаатай байсан.
Трампын тавдугаар сард Эр-Риядад хийсэн айлчлалын үеэр АНУ Саудын Арабт бараг 142 тэрбум долларын үнэтэй зэвсгийн багц зарахаар тохиролцсон нь түүхэн хэлэлцээр болж байв.
Энэ гэрээний хүрээнд АНУ-ын арав гаруй батлан хамгаалах компаниудтай агаарын болон пуужингийн довтолгооноос хамгаалах, агаарын хүчин, сансрын хөгжил, далайн аюулгүй байдал, харилцаа холбоо зэрэг салбарт томоохон ахиц гарна гэж үзэж байгаа юм.
Эх сурвалж: zms.mn
