Э.МИЙГАА
Энэ сарын 19-нд Чили улсын нийслэл Сантъяго хот дахь Estadio Nacional Julio Martínez Prádanos цэнгэлдэхэд болсон энэ оны FIFA U 20 World Cup финалын тоглолтод Мороккогийн U-20 баг Аргентины U-20 багийг 2-0 оор хожиж түүхэн амжилт үзүүллээ.
Морокко багийн залуу довтлогч Yassir Zabiri тоглолтын арван хоёрдугаар минутад чөлөөт цохилтоор гоол оруулж 1-0 болголоо. Мөн тэрбээр 29дугаар минутад давтан гоол хийж багийнхаа тэргүүллийг 2-0 болгосон байна. Тоглолтын дараа Мороккогийн багын тоглогчид аваргын багана түүхэн дурсгалын шагналыг гардан авч баярлажээ.
Энэ ялалт нь Мороккогийн багийн анхны U-20 дэлхийн аварга болсноос гадна Египет, Алжир зэрэг араб болон Африкын бусад улс орнуудаас анх удаа ийм амжилт үзүүллээ. Арабын орнуудын дунд анхдагч мөн Африк тивд U-20 аваргыг 2009 оноос хойш ганцхан баг (Ghana U 20) авсан бөгөөд Морокко энэ амжилтыг давлаа. Аргентины баг нь түүхэнд U-20 төрөлд хамгийн олон буюу зургаан удаа аварга болж байсан ч энэ удаа аваргын төлөөх хоёр дахь ялагдалаа (анхных нь 1983 онд) амссан байна.
Морокко талын гол тоглогчид нь Yassir Zabiri, Othmane Maamma, Gessime Yassine нар байв. Тоглолтын туршид тэдний хамгаалалт сайн байсан бөгөөд хаалгач Ibrahim Gomis чухал авалтууд хийсэн. Харин Аргентина талд гол тоглогчид нь Gianluca Prestianni, Maher Carrizo нар байв. Тэд олон удаа довтолсон ч Мороккогийн хамгаалалттай тулж, гоол оруулах боломжийг алдав.
Тоглолтын статистик
Категори Морокко Аргентина
Эзэмшил (%) 24.8% 75.2%
Хаалганд цохилт 4 3
Бүх цохилт 8 20
Булан цохилт 1 11
Шар хуудас 2 5
Энэхүү статистик нь Мороккогийн хамгаалалтын тоглолт болон Аргентины довтолгооны оролдлогын үр дүнг харуулж байна.
Эх сурвалж: zms.mn
