Б.ЖАВХЛАН

Дорноговь аймгийн Айраг сумын дөрөвдүгээр багт нүүрс тээвэрлэж явсан хоёр автомашин дээр нүүрс шатаж байна гэсэн дуудлагыг өчигдөр 13:56 цагт онцгой байдлын газарт хүлээн авчээ. Тус аймгийн Онцгой байдлын газрын 23 дугаар ангийн алба хаагчдыг очиход 30 тонн нүүрс тээвэрлэж явсан “Beiben North Benz ND4190” загварын зүтгүүрийн 10 тонн нүүрс уугьж, мөн 26 тонн нүүрс тээвэрлэж явсан “FAW CA4180” загварын зүтгүүрийн найман тонн нүүрс тус тус уугьж шатаж байсныг ажиллаж унтраасан.