Б.ЖАВХЛАН

Хөвсгөл аймагт сүүлийн тав хоногийн хугацаанд фэйсбүүк дээр зохион байгуулагдсан “Сугалааны лайв”-д оролцож, урьдчилгаа төлбөр шилжүүлж залилуулсан найман тохиолдол цагдаагийн байгууллагад бүртгэгджээ. Уг сугалаагаар нийт 27.320.960 төгрөгийн хохирол учирсан байна.

Судалгаагаар уг төрлийн залилах гэмт хэрэгт өртсөн хүмүүсийн ихэнх нь “Итгэл төрүүлсэн, яаралтай шийдвэр гаргахыг шаардах” нөхцөлд санамсаргүй үйлдэл хийсэн байдаг. Иймд “азтан болсон” гэх аливаа мэдээлэлд сонор сэрэмжтэй хандаж, урьдчилан мөнгө шилжүүлэхгүй байхыг онцгойлон анхаарна уу" гэжээ.