С.Уртнасан

Салбарын эх сурвалжуудын мэдээлснээр “BLACKPINK” хамтлаг YG-ийн Ян Хён Сокийн удирдлагад бүрэн бүрэлдэхүүнээрээ эргэн ирэх гэж байна. “BLACKPINK” хамтлаг саяхан Сөүл хотод болох шинэ цомгийнхоо хавтасны зураг авалтыг хийжээ. Энэ нь 2022 оны есдүгээр сарын 16-нд гарсан хоёр дахь бүрэн хэмжээний цомог болох ‘Born Pink’-ийн дараагийн буюу гурван жил орчмын дараах бүрэн бүрэлдэхүүнтэй анхны эргэн ирэлт юм. Цомгийг YG интертайментийн гүйцэтгэх продюсер Ян Хён Сокийн шууд удирдлага дор бүтээж байгаа бөгөөд тэрээр энэхүү төслийг ихээхэн анхаарч, хүчин чармайлт гаргаж байгаа гэж мэдээлэгдэж байна. Цомгийн хавтасны зураг авалтад BLACKPINK-ийн олон улсын хэмжээнд нэр хүндтэй байдлыг тусган, дэлхийн түвшинд хийгдсэн гэсэн цуу яриа ч гарчээ. Тавдугаар сарын 26-ны өдөр Ян Хён Сок YG-ийн блогт бичлэг оруулж, “Удалгүй BLACKPINK-ийн шинэ дууны талаар мэдээ дуулгах бололтой” хэмээн бүлгийн эргэн ирэлтийн талаар санаа өгчээ. Хавтасны зураг авалт аль хэдийн хийгдсэн тул зөвхөн сингл биш, бүрэн хэмжээний цомгийн бэлтгэл явагдаж байж болзошгүй юм. Женни, Розэ, Жисү, Лиса нар бүгд өөрсдийн бие даасан уран бүтээлээ амжилттай дуусгасны дараа бүрэн бүрэлдэхүүнээрээ эргэн нэгдэхээр болж, эргэн ирэлтийн бэлтгэл ажлаа эрчимжүүлэхээр хүлээж байна.

Эх сурвалж: zms.mn