Өнгөрсөн бямба га­ригт Алжир улсын тусгай албад тус улсын зүүн хэсэгт шатдаг хийн үйлдвэрийг эзлэн авсан алан хядагч­даас барьцаалагдсан хү­мүү­сийг аврах тусгай ажил­лагаа дуусгавар бо­лов. Тусгай ажиллагааны сүүлчийн өдөр 11 алан хядагч болон долоон барь­цааны хүн алагдсан бай­на. Амиа алдсан долоон хүн гадаадын иргэд аж. Тэднийг алан хядагчид тусгай албаны­хан дайрахаас нь өмнө хороосон байна. Амь үрэгд­сэн барьцааны хү­мүүс аль улсын иргэн гэ­дэг нь одоогоор тодорхой­гүй байна. Ажиллагаа эхэлс­нээс хойш барь­цаа­лагдсан хүмүүсээс 23 нь амиа алдаж, 31 алан хядаг­чийг устгалаа хэ­мээн Алжирын эрх бариг­чид мэдэгджээ. Түүнчлэн тусгай ажилла­гааны үеэр Алжирын 685, гадаадын 107  иргэнийг эсэн мэнд суллажээ. 

Энэ сарын 16-ны өг­лөө 20 орчим лалын хэт даврагч Алжир болон Ливийн хилээс 100 км-ын зайд оршдог “In Amenas” хэмээх шатдаг хийн үйлдвэрт ажилладаг “Ври­тиш Петролеум”, “Со­нат­раш”, “Статойл” ком­панийн ажилчдын байр руу довтолж 700 гаруй хүнийг барьцаалсан аж. Барьцаалагдсан хүмүү­сийн 132 нь гадаадын иргэд байжээ. Уг хэргийн хариуцлагыг “Аль-Кай­да” бүлэглэлийнхэн хү­лээ­сэн байна. Алан хя­дагч­дын толгойлогч болох Мухтар Бельмухтар нь “Аль-Кайда” бүлэглэ­лийн удирдагчдын нэг аж. Тэд­ний тавьсан шаардлагын талаархи мэдэлээл янз бүр байгаа. Зарим нь тэднийг Алжирын Засгийн газар Францын цэргийн хүч­нийхэнд агаарын орон зайгаа ашиглуулж бай­гааг эсэргүүцэж, Мали улсын дотоод хэрэгт Фран­цын тал оролцож байгааг зогсоохыг шаард­сан гэж байна. Бас нэгэн хувилбараар Алжирын шоронд хоригдож буй лалын хэт даврагчдыг суллахыг шаардсан гэх. Алан хядагчид хэрэв Ал­жирын цэргийнхэн тус­гай ажиллагаа явуулж дай­рах юм бол орон суу­цыг дэлбэлнэ хэмээн занал­хийлжээ.

Эхний өдөр алан хя­даг­чид үйлдвэрт ажил­ладаг Алжирын 60 иргэ­нийг чөлөөлж, барьцаанд авсан гадаадын иргэдийг авч тус улсын нутгаас гарч явахыг зөвшөөрөхийг шаардсан байна. Харин түүний хариуд Алжирын эрх баригчид алан хядаг­чидтай хэлэлцээр явуу­лах­гүй гэдгээ мэдэгдээд, барьцааны хүмүүсийг сул­лахыг үүрэг болгожээ. Түүний дараа алан хядаг­чид барьцааны хүмүүсийг авч машинтай зугтахыг оролдсон ч Алжирын цэр­гийнхэн агаараас довтол­сон байна. Ажиллагааны улмаас 35 барьцааны хүн болон 10 алан хядагч амиа алджээ. Нэгдүгээр сарын 18-нд цэргийнхэн барь­цааны 570 хүнийг сулла­жээ. Тэднээс 100 орчим нь гадаадынх байв. Одоо гадаадын ажилчдаас 30 хүний хувь заяа тодор­хойгүй байна.  Барьцаа­лагд­сан гадаадын иргэд АНУ, Их Британи, Нор­веги, Япон, Румын болон бусад улсаас ирсэн ажилт­нууд аж. Дээрх ул­с орон Алжир руу нисдэг тэрэг илгээж, тус улсад байгаа иргэдийнхээ аюул­гүй байдлыг хангах үүд­нээс шилжүүлж эхэлсэн байна. Мөн “Бритиш Петролеум” компанийн албаны хүний мэдээлс­нээр гадаадын олон зуун ажилчид Алжир улсаас яваад байгаа гэнэ.