Өнгөрсөн намар нийс­­лэлд баригдаж бай­сан хэд хэдэн барилгын ажлын явцад хүний амь нас эрсдэх, гэмтэж бэртэх зэрэг ноцтой хэрэг зөрчил удаа дараа гар­сантай хол­богдуулан УИХ-ын дарга З.Энхбол­дын захирам­жаар Барил­гын тухай бо­лон Хөдөл­мөрийн аюул­гүй байдал, Эрүүл ахуйн тухай хууль, тэдгээртэй холбоотой бу­сад хууль тог­тоомжийн хэрэг­жилтийг шалгаж, санал дүгнэлт гаргах ажлын хэсэг бай­гуулсан билээ. Тус ажлын хэсэг УИХ-ын тогтоолын төсөл санаачлан боловс­руулсан бөгөөд уг төслийг Нийг­мийн бодлого, боловсрол, соёл, шинжлэх ухааны байнгын хорооны өчигд­рийн хуралдаанаар хэлэл­цэв. Гишүүн  Ж.Бат­зан­дангаар ахлуулсан ажлын хэсэг мэргэжлийн хянал­тын байгууллага, хотын удирдлагатай хамтран нийслэлд барьж буй барилгын ажлыг шалгаж 15 мянга гаруй зөрчил илрүүлсэн байна.

Гишүүн Г.Батхүү ба­рилгын ажил  эхлэх гэж буй үед  шийдвэл зохих чухал асуудал мөн бо­лохыг онцлов. Мөн Г.Уян­га ги­шүүн барилгын сал­барын аюулгүй ажилла­гаанд та­вих хяналтыг эрс чан­гатгаж хариуцлагын ме­ханизмыг тодорхой бол­гох саналтай байсан бол Д.Арвин гишүүн УИХ-аас батлан гаргаж буй хууль тогтоомжийн хэрэгжилтэд тавих хянал­тыг сайжруу­лахын тулд Хяналт ма­гадлалын хууль батлан гаргах сана­лаа илэр­хийлэв. Г.Баяр­сайхан ги­шүүн зөвхөн барилгын салбар төдий­гүй уул уур­хай, замын хөдөлгөөний аюулгүй байдалд анхаарах талаар төсөлд тусгуулах санал­тай­гаа хэллээ. Ц.Оюун­гэрэл гишүүн “Ба­рилга байгууламжийг зөвшөө­рөлгүй газар барь­сан бол ашиглалтынх нь татварыг өндөр болгох нь шууд нурааж буулгахаас дээр” гэсэн юм.

Гишүүд барилгын аж­лын явцад хууль тог­тоомж зөрчсөнөөс болж амь насаа алдсан хүмүү­сийн ар гэрт нөхөн олго­вор, тэтгэмж олгох, мэр­гэжлээс шалт­гаалсан өвч­­нийг онош­лох, эрт илрүүлэх зорилгоор хө­дөл­мөрийн нөхцөл, мэр­гэжлээс шалт­гаалсан өв­чин судлалын үндэсний төвийн тоног төхөөрөм­жийг шинэчлэх, мате­риал­лаг бааз, хүн  хүчийг нь бэхжүүлэх зэр­гийг тус­гасан тогтоолын төс­лийг дэмжив. Төслийг УИХ-ын чуулганы нэгд­сэн ху­рал­даанаар хэлэлцэх юм.