Т.САЙХАН

"Эрдэнэс Монгол" ХХК ажлын байрны нөөцийн болон нээлттэй сонгон шалгаруулалт дууссантай холбоотойгоор мэдээлэл өглөө.  ЗГХЭГ-ын дарга Д.Амарбаясгалан "Давхардсан тоогоор 3400 орчим хүн анкет өгч, бүртгүүлсэн. Давхардаагүй тоогоор 2900 хүн мэдээллээ ирүүлсэн. Материал дутуу ирүүлсэн болон бусад шалтгаанаар хэд, хэдэн хүн хасагдсан. Улмаар 2084 хүн шалгалтад оролцох боломжтой болсон. Тэдгээрээс 1215 хүн шалгалтад орсон. Нэг ажлын байранд долоо орчим хүн ярилцлагын шалгалтад орохоор байсан. Шалгалтад оролцсон хүмүүсээс хамгийн өндөр оноо авсан нь ажлын байрандаа очихоор болоод байна. Төрийн зүгээс энэ ажилд хяналт тавих зорилгоор ажилласан. 80 гаруй ажлын байранд сонгон шалгаруулалт зарлахад 2000 гаруй хүн бүртгүүлсэн. Тиймээс эдгээр боловсон хүчнийг төр ажиллуулж чадвар боловсон хүчний хүч байгаа гэдэг нь харагдаж байна.  Энэ долоо хоногийн Засгийн газрын хуралдаанд, төрийн өмчийн бодлого зохицуулалтын газруудын харьяа охин компаниудын ажлын байрыг нээлттэй сонгон шалгаруулах журам оруулна. Мөн хараат бусаар ажилладаг ТУЗ-ийн гишүүдийг сонгон шалгаруулна" гэв. 

Эх сурвалж:www.polit.mn