Барилгын салбарын­хан  өчигдөр Төрийн ор­донд зөвлөлдлөө.  “Барил­гын салбарын хөдөлмө­рийн аюулгүй байдал, эрүүл ахуйн хяналтын тог­толцооны шинэчлэлт” сэ­дэвт үндэсний зөвлө­гөөн  гэсэн сүржин нэртэй ч тодорхой шийдсэн асуу­дал байхгүй. Иргэдийн хүлээж буй асуултуудад эрх бүхий хүмүүсээс нь   хариу авах гэтэл зарим нь бултаж, олонхи нь мэдэх­гүй гэнэ. Тус салбарт гар­сан осол, аваарын тухай  хэвлэл, мэдээллийнхэн бичсээр байгаад шоконд оруулчихсан, түүнээсээ  гарч чадалгүй дараалан осол хийсэн гэж үзэж буй албан тушаалтан ч байх.  Ярьж буй зүйлүүд нь их төлөв ерөнхий. Ийм уч­раас үндэсний зөвлөгөөн гэх тэрхүү улсын хэм­жээ­ний том хурлыг “бантан”  гэхээс өөрөөр нэр­лэх  аргагүй.

Харин зөвлөгөөнд орол­цож буй Ажил олгогч эздийн холбоо, Барилгач­дын холбоо болон нэр бү­хий компанийн захирлууд   тус, тусын байр суурийг  илэрхийлж, сэтгүүлчдийн асуултад хариулсан гэд­гийг хэлэх хэрэгтэй болов уу.

Зөвлөгөөнөөр ярьсан гол асуудал тодорхойгүй нэгэн сургалтын тухай байлаа. Барилгачдад сур­галт зохион байгуулж цэн­хэр карт олгох юм гэнэ.  Яаж явуулах, ямар мэдлэг, чадвар эзэмшүүлэх нь бүрхэг. Зөвлөгөөнд орол­цогч­дод тараасан гарын авлага нь сургалт явуулах тухай зар. Хурлаа эх­лээ­гүй, талууд санал, дүг­нэлтээ харилцан солил­цоогүй байж “Сүүлийн үед барилгын салбарт гарч буй осол эндэгдлийн шалт­гаанууд болоод хө­дөл­мөрийн аюулгүй бай­дал, эрүүл ахуйн хяналтын тогтолцооны өнөөгийн бай­далд үнэлэлт, дүгнэлт өгч, шинэчлэл хийх зайлш­гүй шаардлагатай байгааг энэхүү зөвлөгөө­ний явцад тодорхойллоо” гэсэн мэдээллийн хуудас тараачихсан байх жишээ­тэй. Эцэст нь тэд төрийн болон төрийн бус бай­гууллага, мэргэжлийн хол­боод хамтран ажил­лахаа шийдвэрлэсэн гэц­гээж байна. Үүнээс үзэхэд өмнө нь хамтарч ажиллах­гүй яасан юм бэ гэх бодол төрнө. Нэг салбарт  ажил­лаж байгаа хэрнээ хэдэн тийшээ хараад суучихдаг байснаас алдаа эндэгдэл гарч тэр бүү хэл хүний амь эрсдэж ирсэн юм болов уу гэмээр. Ийм нэгэн бүрхэг зөвлөгөөнөөс тод­руу­ла­хаар зорьсон асууд­луудаа багцлан хүргэж байна.

ТУЛГАМДСАН АСУУДАЛ

-Европын жишээгээр одоогийн барилгын аж ахуй нэгж, барилга үйлд­вэрлэлд дутагдаж байгаа аюулгүй ажиллагааны шинэ албадыг бий болгох,

-Хөдөлмөрийн эрүүл мэнд, аюулгүй байдлын тухай хуульд өөрчлөлт оруулах.

-Хөдөлмөрийн эрүүл мэнд, аюулгүй ажиллагаа­тай холбоотой сургалтыг үндэсний хэмжээнд албан ёсны болгон үр өгөөжийг нэмэгдүүлж, хуулийн зохи­цуулалтад оруулах,

-Европ стандартын тендерийн тухай хуулиас өөрсдийн хуульд зохи­цуулан дараах байдлаар нэмэлт оруулах, Үүнд:

-Аливаа төсөв мөнгөөр хийгдэх ажилд хөдөл­мөрийн аюулгүй байдалд зориулагдах зардал, тоо­цоог заавал тусгах албан шаардлага,

-“Барилгын үйлдвэр­лэлд үйл ажиллагаа явуулж байгаа аж ахуй нэгжийн аттестатчилал”-р хянан шалгагдаж, аттес­тат­чилагдсан байгуул­лагуудын жагсаалт үүсгэн, Барилга, хот байгуу­лалтын яамаар удирдуул­сан барилгын үндэсний бүртгэлийг бий болгох,

-Хөрөнгө оруулагч, захиалагч, ерөнхийлөн гүйцэтгэгч болон туслан гүйцэтгэгч байгууллагуу­дын хооронд ажлын бай­ран дахь аюулгүй ажил­лагаатай холбоотой хам­тын хариуцлагын тогтол­цоог бий болгох,

-Барилгын үйлдвэрлэл эхлэх зөвшөөрөл авсан компани заавал тухайн орон нутгийн эрх бүхий байгууллагад мэдэгдэж, тэдний хяналтанд ажил­лах,

-Торгуулийн журам, тогтолцоог сайжруулах, шинэчлэн тогтоох.