Д.АРИУН
Орон нутгийн сонгуульд сонгогчдын ирц бүрдэхгүй байх вий гэдэг болгоомжлол Сонгуулийн ерөнхий хорооныхныг зовоож буй. Тиймээс ч сонгуульдаа саналаа өгөөрэй хэмээн чамгүй сурталчилж байгаа билээ. Бизнесийн байгууллагууд, тэр дундаа Улаанбаатарын томоохон шөнийн цэнгээний газрынхан үүнийг овсгоотой олж харж, саналаа өгсөн залууст таксгүй үйлчилнэ гэдгээ мэдэгджээ. Их хотын залуусын хамгийн их зочлох дуртай “Vegas”, “Face”, “River sounds”, “Mask”, “Brix”, “I-Loft”, “Mass”, “Strings”, “Chicago”, “Stella”, “Amrita” зэрэг 11 шөнийн цэнгээний газраар орон нутгийн сонгуульд саналаа өгсөн залуус таксгүйгээр үйлчлүүлэх боломжтой аж.
