Өмнөговь аймгийн Далан­задгад сумын 99 ир­гэн нэгэн зэрэг Номгон сум руу шилж­жээ. Тэд нэг өдөр, нэг цагт “нүүсэн” гэсэн мэдээлэл айм­гийн Бүртгэлийн газарт бүрт­гэгд­сэн байна. Хачин бай­гаа биз.

Сураглаад үзвэл, тэд­ний 20 орчим нь Далан­задгад су­мын Голомт банк­ны салбарын ажилт­­нууд, одоо ч ажлаа хий­гээд аймгийн төвдөө сууж бай­гаа гэнэ.

Шалтгаан нь тун “эн­гийн” бололтой. “Голомт” банкны Өмнөговь аймаг дахь салбарын захирал Ө.Баян­мөнх Орон нут­гийн сонгуульд нэр дэвшжээ. Ө.Баян­мөнхийн тойрог Номгон сум юм.

Сонгуулиар санал луй­вард­лаа, сонгогчдыг зөө­лөө гэсэн үнэн худал нь мэ­дэгдэхгүй эх захгүй ярианд бид бараг дасчих­сан. Гэтэл ийм зүйл үнэ­хээр байдаг бололтой юм. Тэгэхдээ бүр сонгуулиас хэдэн сарын өмнө зохион байгуулчихсан байдаг ажээ.

Хөдөөгийн суманд 99 сон­гог­чийн санал гэдэг лут тоо. Баргийн нэр дэв­шиг­чийг сон­го­чихно гэсэн үг. Орон нутгийн сонгууль байтугай УИХ-ын сон­гуульд 50-60 хүнээр зөрж ялагдах нь их. Тиймээс Ө.Баян­мөнхөд зо­риулсан ялалтын “нүүдэл” Ном­гоныг зорьсон байж таарах нь.

Санал тоолдог машин­тай ингэж л “зохицож” ажилладаг болжээ, сон­гуульчид.