Монголын үйлдвэрчний эвлэлийн холбооноос орон сууцны талбайн хэмжээнд хяналт тавих талаар Шударга өрсөлдөөн хэрэглэгчийн төлөө газарт санал хүргүүллээ. Энэ талаар тус холбооны дэд ерөнхийлөгч Х.Амгаланбаатараас тодрууллаа.

 -Орон сууцны талбайд хяналт тавих саналыг ШӨХТГ хэрхэн хүлээж авсан бэ?

-Шинэ орон сууц­нуу­дын талбайн хэмжээ ду­таж байна, барилгын ком­паниудын талбайн хэм­жилт өөр байна гэсэн ир­гэдийн гомдлын дагуу ШӨХТГ-ын дарга О.Маг­найд орон сууцны үнэ, талбайн хэмжээнд шал­галт хийх саналыг өнгөр­сөн баасан гаригт хүргүүлсэн.

-Энэ саналд ШӨХТГ-аас хариу өгсөн үү?

-Тэднийх аливаа са­налд судалгаа хийж то­дорхой хугацааны дараа хариулт өгдөг. Ямар ч бай­сан саналыг хүлээж ав­сан.

-Орон сууцны талбайг хэмждэг стандарт байдаг уу?

-Орон сууцны талбайг хэмжих талаар Барилгын тухай хуульд заасан бай­даг. Иргэдээс ихэвчлэн барилгын компаниуд хуульд зааснаас өөр аргаар тооцон мөнгө авч байгаа талаар гомдол ирж байгаа юм. Тиймээс үүнийг хол­богдох хуулийн дагуу хэр­хэн зөв тооцож олгох та­лаар ил тод нээлттэй мэ­дээлэл өгч, бодит зөрчлийг газар дээр нь шалгаж тог­тоон, дахин ийм зөрчил гаргахгүй байх арга хэм­жээ авахыг хүссэн санал тавьсан юм.