Д.БОЛОР
МАН-ын жагсаал өнгөрсөн баасан гаригт гудамжинд төдийгүй Төрийн ордонд үргэлжиллээ. МАН-ынхны хүсэлтээр Сүхбаатарын талбайд цугласан 500 орчим иргэн "Архи тараалаа, тараалаа гэхэд Г.Батхүүгээс давахгүй. Мөнгө тараалаа, тараалаа гэхэд Д.Зоригтыг хүчрэхгүй" гэсэн лоозон барьж, амандаа шүгэл зуун өдрийг өнгөрөөв. Зарим нэг нь поошиг нүдэнгээ хонхны дууны аянд "Монголын ардчилал насан эцэслэлээ. Ардчиллаа аваръя" гэхчилэн баахан бахирч зогслоо. Энэ үеэр УИХ дахь МАН-ын гишүүд жагсагчдын индэрт ээлж дараалан гарч "АН-ынхны түрэмгийлэл хэтэрч байна. Тэд Өвөрхангай аймгаас үнэмлэхүй саналаар ялалт байгуулсан Н.Төмөрхүү, С.Чинзориг нарыг тангараг өргүүлэхгүй нь. Харин шүүхийн "хүч"-ээр Д.Зоригт, Г.Батхүү нарыг УИХ-д оруулахыг хүслээ. Үүнийг хэзээ ч хүлээн зөвшөөрөхгүй шүү" хэмээнэ.
Г.Уянга: БИ МАН-ЫНХАН ШИГ ХЭДХЭН ХҮНИЙ ЭРХ АШГИЙН ТӨЛӨӨ ЖАГСАЖ ҮЗЭЭГҮЙ
Харин Төрийн ордонд буйдан дээр жагсагчдыг эргэх хүн олон байв. Тэднийг дэмжсэн болоод үгүйсгэсэн бусад УИХ-ын гишүүд "ангийн нөхдөө" эргэж очиж харагдсан. Харин УИХ-ын гишүүн Г.Уянга МАН-ын жагсагчидтай уулзах бус тэднийг арынхаа фон болгон ашиглаж, хэвлэлийнхэнд ярилцлага өгөхийг хүсэхэд Су.Батболд "Г.Уянга аа, чи хол явж ярь.Биднийг үзвэр гэж бодоо юу. Хол яв" хэмээн "хөөхөд" өнөөх нь “Хаана, юу ярихаа та нараар заалгахгүй” хэмээн мөчөөгөө өгсөнгүй. Үүнд нь эгдүүцсэн С.Бямбацогт, Ж.Энхбаяр нар өөрсдийгөө фон болгохгүй гэсэндээ шударга ёс шаардаж бичсэн самбараа ард нь авчирч тогтоосон юм. Г.Уянга "Жагсаал, цуглаан хийх хориотой газар гэж бий. Түүний нэг нь Төрийн ордон. Жагсаал хийж байна гээд буйдан дээр тухалдаггүй юм. Би хасах 40 хэмийн хүйтэнд гадаа хоолойгоо сөөтөл орилж явсан хүн. Гэтэл энэ хэдэн нөхөд өөрсдийгөө жагсаж байна гээд буйдан дээр тухалж байна. Тэгээд ч миний жагсаал Монголын ард түмний эрх ашгийн төлөө байсан. Оюутолгойн гэрээг өөрчилж, хүүхдийн мөнгө олго гэсэн шаардлага тавьсан болохоос биш МАН-ынхан шиг нэгнийхээ төлөө ингэж яваагүй юм. Би өнөө өглөө Төрийн ордны хамгаалалтын даргаас "МАН-ынхан ингэж суух нь зөв үү. Тараавал яасан юм бэ" гэж асуусан. Харамсалтай нь тодорхой хариу хэлээгүй. Ер нь жагсаал цуглаан хийх хориотой газар жагсвал хоёроос дөрвөн сар хүртэлх хугацаагаар хорих хуулийн заалттай шүү, МАН-ынхаан" гэв.
Г.Шийлэгдамба: ШҮҮХИЙН ХАРААТ БУС БАЙДАЛД ТА БИД АДИЛХАН ЗОВЖ БАЙГАА ШҮҮ
Түүнчлэн чуулганы хаалга манагчид дээр МАХН-ын Ерөнхий нарийн бичгийн дарга Г.Шийлэгдамба ирсэн. Тэрээр "Би та бүхний жагсаалыг буруутгахгүй байгаа. Манай намын зүгээс УИХ-ын сонгууль шударга болоогүй гэдэгт МАН-тай санал нэг бий. Энэ нь зөвхөн Өвөрхангайн тойрогтой хамааралгүй, ерөнхийд нь хэлж байгаа юм шүү. Ер нь Өвөрхангайн тойргийн тухайд шүүхийн шийдвэр эцэслээгүй байхад тангараг өргүүлэх нь учир дутагдалтай болов уу. Шүүхийн эцсийн шийдвэр гарсны дараа аль намын гишүүн нь тангараг өргөх вэ гэдгийг шийдээсэй. Баяртай ч гэмээр юм уу нэг зүйл бодогдлоо. Учир нь МАХН-ын гишүүд нь хууль, хяналтын байгууллагыг эрх мэдэл, мөнгөтэй хүнд үйлчилж байна гэдгийг хэлдэг байсан. Тэгвэл улс төрд нөлөө бүхий МАН-ынхан үүнийг маань харж шүүдалд санаа зовох болсонд талархалтай байгаа. Шүүхийн хараат бус байдалд та бид адилхан санаа зовж байгаа шүү" гэв. Энэ үеэр хэл ам, маргаан дагуулаад байгаа Өвөрхангайд нэр дэвшигч Г.Батхүү баяр ёслолын байдалтай инээмсэглэл тодруулан УИХ-ын дарга З.Энхболдын өрөө рүү орчихов. Сэтгүүлчид түүнийг гарч ирэхийг хүлээсэн ч тэрээр туслахаараа хаалганы гадна хүн байгаа эсэхийг байнга хянуулж байлаа. Түүнийг гарч ирмэгц "Таныг УИХ-ын гишүүний тангараг өргүүлэхгүйн төлөө МАН-ынхан жагсаж байна. Та шүүхийн "хүч"-ээр ялалт байгуулаад байгаа юм биш шүү" гэхэд "Ах нь мэдэхгүй. Шүүхийнхэн л мэднэ" гэв. "Өөрийг чинь МАН-ынхан элдвээр хэлж, бичиж байна. Тайлбар өгөхгүй юм уу гэхэд "Миний гаргасан шийдвэр биш ээ. Шүүхийнхэн л шийдсэн шүү дээ" гэсээр гарч одсон юм. Харин их үдийн алдад МАН-ын жагсагч нар Төрийн гурван өндөрлөгт шаардлага хүргүүлээд тарсан юм. Шаардлагад "С.Чинзориг, Н.Төмөрхүү нарыг гэм буруутан мэт болгож, тэдний оронд олон хуулийг ноцтойгоор зөрчиж, 168 сая төгрөг тараасан Г.Батхүү, Д.Зоригт нарыг Улсын Их Хурлын гишүүн болгохоор улайрч байна. Үүнийгээ зогсоо" гэжээ. Шаардлагыг Ерөнхий сайд Н.Алтанхуягт гардуулж өгсөн юм. нд төдийгүй Төрийн ордонд үргэлжиллээ. МАН-ынхны хүсэлтээр Сүхбаатарын талбайд цугласан 500 орчим иргэн "Архи тараалаа, тараалаа гэхэд Г.Батхүүгээс давахгүй. Мөнгө тараалаа, тараалаа гэхэд Д.Зоригтыг хүчрэхгүй" гэсэн лоозон барьж, амандаа шүгэл зуун өдрийг өнгөрөөв. Зарим нэг нь поошиг нүдэнгээ хонхны дууны аянд "Монголын ардчилал насан эцэслэлээ. Ардчиллаа аваръя" гэхчилэн баахан бахирч зогслоо. Энэ үеэр УИХ дахь МАН-ын гишүүд жагсагчдын индэрт ээлж дараалан гарч "АН-ынхны түрэмгийлэл хэтэрч байна. Тэд Өвөрхангай аймгаас үнэмлэхүй саналаар ялалт байгуулсан Н.Төмөрхүү, С.Чинзориг нарыг тангараг өргүүлэхгүй нь. Харин шүүхийн "хүч"-ээр Д.Зоригт, Г.Батхүү нарыг УИХ-д оруулахыг хүслээ. Үүнийг хэзээ ч хүлээн зөвшөөрөхгүй шүү" хэмээнэ.
Г.Уянга: БИ МАН-ЫНХАН ШИГ ХЭДХЭН ХҮНИЙ ЭРХ АШГИЙН ТӨЛӨӨ ЖАГСАЖ ҮЗЭЭГҮЙ
Харин Төрийн ордонд буйдан дээр жагсагчдыг эргэх хүн олон байв. Тэднийг дэмжсэн болоод үгүйсгэсэн бусад УИХ-ын гишүүд "ангийн нөхдөө" эргэж очиж харагдсан. Харин УИХ-ын гишүүн Г.Уянга МАН-ын жагсагчидтай уулзах бус тэднийг арынхаа фон болгон ашиглаж, хэвлэлийнхэнд ярилцлага өгөхийг хүсэхэд Су.Батболд "Г.Уянга аа, чи хол явж ярь.Биднийг үзвэр гэж бодоо юу. Хол яв" хэмээн "хөөхөд" өнөөх нь “Хаана, юу ярихаа та нараар заалгахгүй” хэмээн мөчөөгөө өгсөнгүй. Үүнд нь эгдүүцсэн С.Бямбацогт, Ж.Энхбаяр нар өөрсдийгөө фон болгохгүй гэсэндээ шударга ёс шаардаж бичсэн самбараа ард нь авчирч тогтоосон юм. Г.Уянга "Жагсаал, цуглаан хийх хориотой газар гэж бий. Түүний нэг нь Төрийн ордон. Жагсаал хийж байна гээд буйдан дээр тухалдаггүй юм. Би хасах 40 хэмийн хүйтэнд гадаа хоолойгоо сөөтөл орилж явсан хүн. Гэтэл энэ хэдэн нөхөд өөрсдийгөө жагсаж байна гээд буйдан дээр тухалж байна. Тэгээд ч миний жагсаал Монголын ард түмний эрх ашгийн төлөө байсан. Оюутолгойн гэрээг өөрчилж, хүүхдийн мөнгө олго гэсэн шаардлага тавьсан болохоос биш МАН-ынхан шиг нэгнийхээ төлөө ингэж яваагүй юм. Би өнөө өглөө Төрийн ордны хамгаалалтын даргаас "МАН-ынхан ингэж суух нь зөв үү. Тараавал яасан юм бэ" гэж асуусан. Харамсалтай нь тодорхой хариу хэлээгүй. Ер нь жагсаал цуглаан хийх хориотой газар жагсвал хоёроос дөрвөн сар хүртэлх хугацаагаар хорих хуулийн заалттай шүү, МАН-ынхаан" гэв.
Г.Шийлэгдамба: ШҮҮХИЙН ХАРААТ БУС БАЙДАЛД ТА БИД АДИЛХАН ЗОВЖ БАЙГАА ШҮҮ
Түүнчлэн чуулганы хаалга манагчид дээр МАХН-ын Ерөнхий нарийн бичгийн дарга Г.Шийлэгдамба ирсэн. Тэрээр "Би та бүхний жагсаалыг буруутгахгүй байгаа. Манай намын зүгээс УИХ-ын сонгууль шударга болоогүй гэдэгт МАН-тай санал нэг бий. Энэ нь зөвхөн Өвөрхангайн тойрогтой хамааралгүй, ерөнхийд нь хэлж байгаа юм шүү. Ер нь Өвөрхангайн тойргийн тухайд шүүхийн шийдвэр эцэслээгүй байхад тангараг өргүүлэх нь учир дутагдалтай болов уу. Шүүхийн эцсийн шийдвэр гарсны дараа аль намын гишүүн нь тангараг өргөх вэ гэдгийг шийдээсэй. Баяртай ч гэмээр юм уу нэг зүйл бодогдлоо. Учир нь МАХН-ын гишүүд нь хууль, хяналтын байгууллагыг эрх мэдэл, мөнгөтэй хүнд үйлчилж байна гэдгийг хэлдэг байсан. Тэгвэл улс төрд нөлөө бүхий МАН-ынхан үүнийг маань харж шүүдалд санаа зовох болсонд талархалтай байгаа. Шүүхийн хараат бус байдалд та бид адилхан санаа зовж байгаа шүү" гэв. Энэ үеэр хэл ам, маргаан дагуулаад байгаа Өвөрхангайд нэр дэвшигч Г.Батхүү баяр ёслолын байдалтай инээмсэглэл тодруулан УИХ-ын дарга З.Энхболдын өрөө рүү орчихов. Сэтгүүлчид түүнийг гарч ирэхийг хүлээсэн ч тэрээр туслахаараа хаалганы гадна хүн байгаа эсэхийг байнга хянуулж байлаа. Түүнийг гарч ирмэгц "Таныг УИХ-ын гишүүний тангараг өргүүлэхгүйн төлөө МАН-ынхан жагсаж байна. Та шүүхийн "хүч"-ээр ялалт байгуулаад байгаа юм биш шүү" гэхэд "Ах нь мэдэхгүй. Шүүхийнхэн л мэднэ" гэв. "Өөрийг чинь МАН-ынхан элдвээр хэлж, бичиж байна. Тайлбар өгөхгүй юм уу гэхэд "Миний гаргасан шийдвэр биш ээ. Шүүхийнхэн л шийдсэн шүү дээ" гэсээр гарч одсон юм. Харин их үдийн алдад МАН-ын жагсагч нар Төрийн гурван өндөрлөгт шаардлага хүргүүлээд тарсан юм. Шаардлагад "С.Чинзориг, Н.Төмөрхүү нарыг гэм буруутан мэт болгож, тэдний оронд олон хуулийг ноцтойгоор зөрчиж, 168 сая төгрөг тараасан Г.Батхүү, Д.Зоригт нарыг Улсын Их Хурлын гишүүн болгохоор улайрч байна. Үүнийгээ зогсоо" гэжээ. Шаардлагыг Ерөнхий сайд Н.Алтанхуягт гардуулж өгсөн юм.
