Б.ДАМДИН УИХ дахь МАН-ын бүлэг хоёр хуваагдаж, “33”-ын, “32”-ын гэдэг албан бус бүлэгтэй болсон. Бүлгийн хурлын өмнө энэ хоёр бүлэг нь заавал хуралддаг болоод удаж байна. Тэгвэл энэ нь УИХ-ын гишүүдээс гадна намынханд нь ч мэдрэгдээд эхэлсэн бололтой. Энэ хуваагдлаас болоод МАН-ынхан зутарч эхэлсэн бололтой. Тодруулбал, Зам, тээврийн хөгжлийн дэд сайд Б.Цогтгэрэл твиттерт “...Манайхан хоёр хуваагдлаа больчихож болдоггүй юм байх даа. Зутрааж байна шүү” гэж жиргэжээ. Харин энэ жиргээг нь уншсан хүмүүс “...Ард түмнийг олон жил зутрааж байгаа шүү дээ. Одоо л та зутарч байна уу”, “...Та зутрах яах вэ. Гол нь олон түмэн хохирч байна” гэсэн хариу бичсэн байна. Эх сурвалж: “Зууны мэдээ” сонин