Дарга намайг хэзээ ажлаас чөлөөлөх бол. Хэн миний ажлын зөөлөн суудалд тухлах бол хэмээн чимээ сонсч, ийш тийш утас цохин чи­хээ сор­тойлгоно. Овоо олон жил хүн шиг амьд­руулсан албыг “Май” гээд бусдад сул өгмөөргүй бай­даг. Миний оронд чадал­тай хүн ирэх  болов уу. Эсвэл бүр маанаг “амьт­ан”-д ажлаа өгсөн нь дээр үү. Бөгс ухчих “амьтан” ирэх нь гарцаагүй гэх мэ­тээр өөрийгөө шөвгөдөж суух дарга нар ямар нэг ту­шаал гарахыг амьсгаа та­вин хүлээх болжээ. Нийс­лэ­лийн Тамгын газар орчимд ингэж түгшсэн хүн олон байна. Тэд МАН-ын уг­шил­тай эрх­мүүд. Сэтгэ­лийн шаналгаа гэж үүнийг хэлдэг болов уу хэмээн тойрох хуудсаа хүлээсэн нийслэлийн хур­ган дарга нар айдастай­гаар ажлаа явуулж байна. Ингэж ша­налж, стресс­тэж, чич­лүүлж байхаар өөрийгөө бодоод бушуухан ажлаа өгчих­мөөр санагдана. Гэ­тэл на­мын нөхөд нь “Наанаа байж бай” гэсэн даалгавар өгчихсөн. Хэзээ халагдах тушаал гарах бол гэсэн шаналгаатай бодлын зэ­рэг­цээ дараагийн ажлаа эрж, сурж ийш, тийш утас цохих болжээ. За­рим нь томчуудаар мун­даг­дуулд­сан ч тусыг эс олов. НМХГ-ын дарга асан аж­лаа өгөхгүй гэхдээ УИХ-ын гишүүдээр хо­тын мээр Э.Бат-Үүл рүү утасдуулж “Л.Бямбасү­рэнг үлдээчих л дээ. Ма­най ангийн, нэг ширээний охин байгаа юм, хамаатны дүү байгаа юм. Хамаатны өрх тол­гойлсон эмэгтэй” гэж лоб­бидуул­сан ч тусыг эс олсон гэж ярих юм. “Хэн гуай ч утасдсан халахдаа л хална. Бусдад нь сур­гамж болог” гэж чичирч байсан Үүл даргын хор­солтой ца­рай телевизээр тэр орой­жин гарч билээ.

Үүл баатар хотод чи­мээ­гүй томилгоо хийхдээ гаршиж байна уу. Уг нь мээрийн хэлснээр гоё, гоё шийдвэрүүд амьдралд хэ­рэгжих учиртай. Төрийн албаныхан хувийн, үнэтэй унаагаа гараашдаа үлдээ­гээд нийтийн тээврээр зорчино. Хууль зөрчиж барьсан барилгуудыг ну­раа­на гэх мэтээр гаргасан шийдвэр, гаргал­гаа хотын иргэдэд таалагдсан. Ца­хим уншиг­чид дээрх шийдвэрүүдэд like хийсэн нь гарцаагүй. Харин АН-ын гаралтай эздийн барьж буй барилга хууль бус ба­рилгын жаг­саалтаас мул­тарч, дарга нарын хууль зөрчиж барь­сан, шаард­лага хангаагүй үнэтэй хаус ч гэсэн түүний ивээлд орсон. Ийм явдал яагаад ч хэвлэлийнхний хараа­наас зайлахгүй. Нийслэлийн шинэ удирдлагын шийд­вэр­тэй зэрэгцээд гомдол, шүүмжлэл дагуулах зүйл ч багагүй гарав.

“Нийслэлээс гарсан ямарваа тушаал, шийдвэ­рийг 24 цагийн дотор олон нийтэд мэдээлэх ёстой. Үгүй бол хүчингүй гэж ойлгоорой” хэмээн тэрбээр Иргэний танхим­даа зар­лаж байсан удаа­тай. Мээр хэлсэн үгээ мартсан бололтой. Нийс­лэ­лийн Боловсролын газ­рын дарга Ц.Отгонбаганыг өөрийн тушаа­лаар томилоод лав 14 хо­носны дараа нийтэд, өөрс­дийн цахим хуудсаар, хэв­лэлээр олонд танил­цуулж байсан. Түүнтэй зэрэгцэн Нийс­лэлийн Өм­чийн харил­цаа, Нийс­лэлийн Цагдаагийн, “Улаан­баа­тар зам засвар, арчлалт компани” НӨҮГ-ын, Ус сувгийн удирдах газрын дарга зэрэг олон хүнийг бөөндөж томилс­ныг ун­шиж чаддаг бүх хүн цахим хуудаснаас нь хар­сан байх.

Төрийн албанд олон жил ажиллаж туршлагаж­сан дарга нарыг хомор­голон халж буй нь дээрээс шидсэн чулуу юм гэнэ. Энэ хэргийг “Засгийн газ­­рын тэргүүн шал­гаа­рай” гэж хэлээд өвдөг шороодогчид гомдлоо хэв­лэ­лийнхнээр дамжуулсан.    

Сүүлийн жилүүдэд нийс­­лэлийн төр, захир­гааны байгууллагууд МАН-ынхнаар дүүрсэн билээ. Заримыг нь хэрвээ саналаараа ажлаа өгвөл АТГ-аар шалгуулахгүй гэдэг болжээ. Мөн МАН-ынхны зарим даргыг АН-ын хү­нээр дагалдуулж байгаад орлон гүйцэтгэг­чээр тавь­даг жишиг тогтож байна гэв. Нэгэн цагт МАН-ын үүр байсан нийслэлийн захиргааны байгуул­ла­гуудад АН-ынхан богино хугацаанд өөрчлөлт хий­лээ. Одоо нийслэлийн харьяа бай­гууллагуудын дарга нар АН-ынхны ги­шүү­дээр цу­саа сэлбэж байна. Гэхдээ сайн­тай, муутай сав дүүрдэг шиг биш юм. Цөөхөн хурган дарга өөрс­дийгөө “халаа, сэлгээнд өртсөн­гүй. Үлд­чихлээ” хэмээн баясч суугаа дуулдсан. Зарим нь хэзээ муур багш ирж хул­ганаа идэх бол хэмээн шаналж, хүлээж өдөр, хоногийг тэгсгээд өнгө­рүүлж байх жишээ­тэй. Шинэхэн дар­гыг да­гал­­дуулж, дадлага­жуулж бай­гаад Үүл баатар өөрийн мэхийг гэнэт хийж тушаал гаргахыг тэд март­жээ. Намын нөхдөөсөө нэгийг нь ч гэсэн төрийн албанд тохоон томилох гэж зүтгэж буй нь ойрын хоёр сарын дотор хийсэн хотын шинэ дарга нарын томил­гооноос харагдав.

Энэ газраас олон даргыг залж ирснээр наа­д өнгөн­дөө нийслэлд буй авлигыг таслана гэж суугаа ч дээ­рээс захиалгатай аж­лыг яалтай билээ. Тэр томил­гоо­гоо хурдхан хийж дуус­гаасай гэж шаналгаа­тай хүлээх хүн нийслэлд дэн­дүү олон болжээ.

Намын нөхдөөсөө нэгийг нь ч гэсэн төрийн албанд тохоон томилох гэж зүтгэж буй нь ойрын хоёр сарын дотор хийсэн хотын шинэ дарга нарын томил­гооноос харагдав.

Түү­ний хам­гийн найд­вар­тай, бас захиас­тай, хайр­тай газар нь АТГ.