АНУ дахь Alexander Historical Auctions дуудлага худалдаанд Адольф Гитлерийн хувийн телефон утас 243 мянган ам.доллараар за­рагджээ. Нацист удирдагч Гитлер тушаал заавар өгч байсан телефон утсыг худалдан авсан хүний нэрийг нууцалж байна. Энэхүү телефон утас Берлин дахь Адольф Гитлерийн газар доорх оромжинд байсан юм. Тэ­рээр дэлхийн II дайны сүүлчийн хоёр жилд энэ утсыг ашиглаж байжээ. Үүнийг хар хуван­цар материалаар хийж улаа­наар будаж, хас тэмдэг болон Гитлерийн нэрийг сийлбэрлэн гоёсон юм. 1945 оны тавдугаар сард нацист Герман бууж өгч, Гитлер амиа хорлоход Зөвлөлтийн цэргүүд энэ телефон төхөөрөмжийг Британийн холбоочин офицер Ральф Рейнерт дурсгал болгож өгсөн аж. Ральф 1977 онд нас барахдаа Гитлерийн телефон утсыг хүүдээ өвлүүлж үлдээсэн байжээ. Эх сурвалж: “Зууны мэдээ” сонин