Н.МӨНХЖИН АНУ-ын Калифорни муж дахь Оровиль нуурын ус эргээ даган халих болжээ. Усны түвшинг доошлуулдаг систем нь доголдох болсон тул ийнхүү ус нь нэмэгдэж АНУ-д хамгийн өндөрт тооцогддог усны далан айдас төрүүлж, Оровиль нуурын хөндийд амьдардаг иргэдийг орон гэрээ орхин нүүхийг уриалав. 203 метр өндөр усны хаалт, далан гэмтэж магадгүй болоод байна. Илүүдэл усыг шахан гаргадаг систем их усны даралт, ачааллыг даахгүй хэзээ ч нурж магадгүй болжээ. Сүүлийн хэд хоногийн усархаг борооны улмаас Оровиль нуурын ус эрс нэмэгдэж аюултай түвшинд хүрлээ. 50 жилийн өмнө баригдсан АНУ-ын хамгийн өндөр Оровилийн далан ийнхүү ослын байдалтай болж, тэр хавийн оршин оршин суугчдыг анх удаа нүүлгэн шилжүүлэх гэж байна. Нууртайгаа адилхан нэртэй хот 16 мянган оршин суугчтай. Эх сурвалж: “Зууны мэдээ” сонин