М.ЦЭЦЭГ
Үндэсний аудитын газрын дарга, ерөнхий аудитор Ч.Раднаа ажлаас чөлөөлөгдөх өргөдлөө УИХ-ын даргад өнгөрсөн долоо хоногт өгсөн. Ерөнхий аудиторыг ажлаас чөлөөлөх, томилох асуудлыг УИХ-ын Төсвийн байнгын хорооны өчигдрийн хуралдаанаар хэлэлцлээ. Ерөнхий аудиторын ажлаас чөлөөлөгдөх хүсэлтийг байнгын хороо хүлээн авч УИХ-ын чуулганы хуралдаанд танилцуулахаар боллоо.
УИХ-ын дарга Үндэсний аудитын газрын даргад А.Зангадыг томилохоор санал оруулжээ. Энэ тухай Төсвийн байнгын хороогоор хэлэлцэн дэмжиж, УИХ-ын чуулганы нэгдсэн хуралдаанд танилцуулахаар боллоо. А.Зангад нь Хөдөлмөрийн төв биржийн захирлаар ажиллаж байсан юм.
