М.ХҮСЛЭН

Туркийн эрх баригчид орон нутгийн 100 гаруй хэвлэл мэдээллийн бай­гуул­лагыг хаахаар болсон байна. CNN Turk-ийн мэдээлснээр мэдээллийн гурван агентлаг, 16 телевиз, 300 хэвлэлийн газар болон 40 гаран сонины үйл ажиллагааг зогсоохоор болжээ.

Дээрх хэвлэл мэдээл­лийн хэрэгслүүдийг хаах болсон шалтгаан сая­хан Туркт болсон төрийн эргэлттэй хол­боо­той. Одоо тус улсад онцгой байдал зар­ла­сан. Хаагдахаар бол­сон зарим хэвлэл мэдээл­лийн хэрэгслүүд АНУ-д амьдардаг шашны ном­логч Фетхуллах Гюлентэй холбоотой гэгддэг “Feza” медиахолдингийн бүрэл­дэ­хүүнд багтдаг. Ан­ка­ра­гийн эрх баригчид Гюленийг төрийн эргэл­тийг зохион байгуулсан гол хүн хэмээн буруутгаж буй. Энэ сарын 15-наас 16-нд шилжих шөнө Турк улсад цэргийнхэн төрийн эргэлт хийхийг санаархсан. Төрийн эр­гэлт бүтэлгүйтсэний да­раа Фетхуллах Гюлен­тэй холбоотой байж магадгүй гэсэн үндэс­лэлээр олон мянган хүнийг баривчилж, олон хүн ажилгүй болсон. Анкара­гаас Гюленийг өгөхийг АНУ-ын эрх баригчдаас шаардсан. Гэвч Гюлен төрийн эргэлт хийх гэсэн оролдлогыг буруушаагаад, өөрөө ямар ч буруугүй гэдгээ мэдэгдээд байгаа.

Эх сурвалж: “Зууны мэдээ” сонин