Киргизийн нийслэл Бишкек хотод 50 хос зэрэг хуримлав. “Бөөн хурим”-ыг Киргизийн Хөдөлмөрийн яам болон Залуучуудын холбоо хамтран зохион байгуулжээ. Хуримын хувцас, бэлэг, бөгж гээд бүх зардлыг улсын төсвөөс гаргасан байна. Үүнийг мэдсэн киргиз хосууд олноороо хуримаа хийх хүсэлтээ илэрхийлсэн ч тоог 50 хосоор хязгаарлажээ. Энэ ёслол ямар ч шашинтай холбоогүй, зүгээр л иргэний хурим хэмээн хотын захиргаанаас зарлав. Киргизийн эртний ёсонд ингэж бөөнөөрөө хуримладаг байжээ.
