М.ГАН

Засгийн газрын ур­жигд­рын ээлжит хурал­даа­наар Монгол Улсаас зарим улсад суух Онц бөгөөд Бүрэн эрхт Элчин сайдад нэр дэвшигчдийн талаар  хэлэлцсэн байна. Үүнд, Хятад улсад суух Онц бөгөөд Бүрэн эрхт Элчин сайдаар Д.Ганхуягийг томилуулах гэнэ. Тэрээр одоо Гадаад хэргийн яамны Төрийн нарийн бичгийн даргаар ажилладаг юм. Мөн Унгар улсад суух Онц бөгөөд Бүрэн эрхт Элчин сайдаар “усны” хэмээх тодот­голтой З.Батбаярыг нэр дэвшүүлжээ. Тэрээр МАХН-ын нарийн бич­гийн дарга юм. Харин Ерөн­хийлөгчийн Цэр­гийн бодлогын зөвлөх А.Баттөрийг Япон улсад суух Онц бөгөөд Бүрэн эрхт Элчин сайдаар, Ардчилсан Солонгос Ард улсад суух Онц бөгөөд Бүрэн эрхт Элчин сайдаар, өмнө нь Чехэд ажиллаж бай­сан мэргэжлийн дип­ломатч С.Цоггэрэлийг нэр дэвшүүлжээ. Итали улсад суух Онц бөгөөд Бүрэн эрхт Элчин сайдаар Ц.Жамбалдоржийг томилуулахаар болжээ. Тэрээр өмнө нь Австрали улсад Элчингээр сууж байсан туршлагатай дип­ломатч юм. Дээрх улсуудад суух шинэ Элчингүүдийг томилох тухай саналыг Ерөнхийлөгчид өргөн мэдүүлж, дараа нь УИХ-аар томилох юм.

Эх сурвалж: “Зууны мэдээ” сонин