Ерөнхийлөгч Мохамед Морсиг эсэргүүцэгчид Египетийн Кайр хотод жагсаал цуглаан хийж байна. Энэ бослого үр­гэлж­лэх зуур тус улсад доод тал нь 34 хүн амиа алд­лаа хэмээн Засгийн газрын төлөөлөгчид ВВС-д мэдэгджээ. Лалын ахан дүүс хөдөлгөөний мэ­дээлж буйгаар тэдгээр хү­мүүс Ерөнхийлөгчийн хам­гаалалтын хуарангийн дэр­гэд амиа алдсан байна. Гэвч “Террористууд хам­гаалалтыг давахыг оролд­сон” хэмээн армиас мэ­дээлж байгаа юм. Олон нийтийн чөлөөт сон­гуулиар тодорсон Еги­­петийн анхны Ерөн­­хийлөгч Морси өн­гөр­сөн долоо хоногт босог­чид хүчээ авах үеэр зайлуу­лагд­жээ. Өнгөрсөн долоо хоногоос эхэлсэн төрийн эр­гэлтийн дүнд олон арван хүн амиа алдсан билээ. Ноён Морси хотын нийслэл Наср хотын дүүрэгтээ эргэн ирнэ хэмээн итгэж буй юм.

Түүний дэмжигчид бо­лоод Лалын ахан дүүс хөдөлгөөний олон ги­шүүн Ерөнхийлөгчийнх нь эрх мэдэл эргэн сэр­гэнэ хэмээн найдаж бай­на. Морсиг хөөн зай­луулахыг идэвхтэй дэмж­сэн Салафист ноур на­маас өчигдөр өглөө бол­сон хүчирхийллийн дар­аа Ерөнхий сайдыг сонгох тухай яриа хэлэл­цээ хийх санал тавьсан юм. Энэ даваа гаригаас эх­лэн Кайрийн өнөөгийн байдал нь үймээн са­муу­наар дүүрээд бай­на. Лалын ахан дүүс хөдөлгөөнөөс мэдээлж буйгаар армийнхан өчигдөр үүрийн 04.00 цагийн үед буюу мөргөлчид мөргөлөө хийх цагаар дайралтаа эхэлжээ. “Цэргүүд огт тааварлаагүй зэвсгээр зэвсэглэж, дайралт хийсэн” хэмээн босогчдын төлөөлөл болох Алаа эл-Хадиди ВВС-д ярьжээ. Харин Махмуд аль-Шилли “AFP news”-д ярихдаа цэргүүд нулимс асгаруулагч ашиг­ласан бөгөөд гал нээ­хийн өмнө харахад за­рим нь орон нутгийн ир­гэдийн өмсгөлтэй бай­сан хэмээжээ. “Алуур­чид гаднаас орж ирсэн. Бид тэдний бай байсан” хэмээн тэ­рээр нэмж ярьжээ.

Өнгөр­сөн жилийн түүхэн сон­гуулиар парламентын сууд­лын бараг талыг эзэл­сэн Лалын ахан дүүс хөдөлгөөний улс төрийн жигүүр болох Эрх чөлөө ба шударга ёс нам “Египетчүүд эрх чөлөө, сонголтынх нь эсрэг бий болсон өөрчлөлтийн төлөө тэмцэж байна” хэмээн мэдэгдээд байна. Ингэхдээ тэд “Олон улсын холбоо болоод олон улсын бүлэглэлүүд болон бусад бүх эрх чөлөөт хүмүүс энэхүү хядлагыг зогсоохын төлөө нэгдэх хэрэгтэй байна. Үгүй бол Египет шинэ Сири болон хувирч байна” хэмээн уриалж байна. Энэхүү мэдэгдлийг улсын хэвлэл мэдээллийн хэрэгслээр нийтэд мэдээлэх үеэр армийнхан үүнийг эсэргүүцэж, босогчид хамгаалалтыг эвдэх гэсэн гэж тайлбарлаж байна. Учир нь амиа алдагсдын дунд армийн офицер байгаа бөгөөд олон зуун хүн гэмтэж бэртээд байгаа нь шүүмжлэлийн гол цэг болоод байна.

Энэхүү мэдэгдэлд дурдахдаа зэвсэглэсэн 200 хүн баривчлагдсан бөгөөд тэд бөмбөг биедээ авч явсан байна. Лалын ахан дүүсийн төвлөрч байсан гол цэг болох Рабаа аль-Адавия дахь эмнэлэгт амиа алдсан болоод гэмтэж бэртсэн олон хүнийг хүргэж буйг тус улсын хэвлэлийнхэн мэдээлж байна.

ВВС-ийн дамжуулж байгаагаар өнөөдөр Египет нь цуст талбар хийгээд дэлхий нийтийн анхаарлаа хан­дуу­лах ёстой халуун цэг бо­лоод байна. “Төрийн эр­гэлтээр зайлуулагдсан Ноур намынхан шинэ Ерөн­хий сайдыг тодруулж томилохыг хичээж бай­на” хэмээн ВВС-ийн сур­валжлагч Жим Муир тэмдэглэжээ. Тус намын төлөөлөгч Наддер Баккер “Манай нам энэхүү хядлагын талаарх аливаа сөргөлдөөн бүхнээс хол байхаар шийдсэн” хэмээн мэ­дэгдлээ. Харин Лалын ша­шинтнуудын нам ши­нэ сонгууль хийхээр төлөвлөөд байгаа тухай эх сурвалж мэдээлж бай­на. Тэд Лалын ахан дүүс хөдөлгөөнөөс тус­гаарлагдаад удаж бай­гаа юм. Тэдний тайл­бар­ласнаар хоёр Ерөнхий сайд­тай байх ба тэдгээр нь хөдөлгөөний төлөөлөл байх ёсгүй хэмээжээ.

Морси өнгөрсөн пү­рэв гаригт Дээд шүү­хийн тэргүүн Адли Мансурын шийдвэрээр албан тушаалаасаа буусан юм. Тэрээр удахгүй сон­гууль болно хэмээн таа­варлаж байна. Гэвч чу­хам хэзээ египетүүд да­хин сонголт хийх нь то­дорхойгүй үлдлээ. Ар­мийн зүгээс цаашид хүч хэ­рэглэхгүй байхыг хүсч буйгаа илэрхийллээ.