Б.ЗАЯА
Ахлах ангийн сурагчид удахгүй болох элсэлтийн ерөнхий шалгалтад бэлдэж эхэлжээ. Гэвч хаана, хэрхэн бэлдэхээ мэдэхгүй яваа сурагчид цөөнгүй бий. Тэд мэдээж чанартай, онцлог давуу талтай сургалтын төвд очих сонирхолтой байгаа нь гарцаагүй. Тиймээс ахлах ангийнханд зориулж элсэлтийн шалгалтад бэлтгэж буй сургалтын төвүүдийн мэдээллийг бэлтгэлээ.
“Датабейс” сургалтын төвийн менежер Б.Эрдэнэхүү: СУРГАЛТЫН ТӨЛБӨРИЙГ 20-50 ХУВЬ ХӨНГӨЛДӨГ
-Танайх ямар хичээлүүдээр дадлага өгч байна?
-Элсэлтийн шалгалтын математик, хими, физик, биологи, монгол хэл, монгол бичгийн хичээлээр давтлага өгдөг.
-Хичээллэх өдрийг сурагчид сонгох уу. Энэ талаар тодруулаач?
-Долоо хоногийн зургаан өдөрт хичээллэж байгаа. Сурагчид хичээлийн бус цагаар цагаа сонгоод хичээллэх боломжтой.
-Сургалтын төвийн онцлог, давуу тал, төлбөрийн хэмжээ ямар байдаг вэ?
-Сурагчдынхаа төвшинд тааруулж хичээлээ заадаг. Мөн группдээ таван хүүхдийг багтааж, хичээллэж байгаа нь багш нар сурагчдад хүрч ажиллах нь амар байдаг юм. Сургалтын төлбөрийн хувьд хичээллэх цагаасаа шалтгаалж 58-238 мянган төгрөг байгаа. Сурагчдадаа урамшуулал болгож төлбөрийг 20-50 хувь хөнгөлж өгнө.
“Оюуны хүч” сургалтын төвийн менежер О.Отгончимэг: 50 МЯНГАН ТӨГРӨГӨӨР 42 ЦАГИЙН ХИЧЭЭЛИЙГ ҮЗНЭ
-“Оюуны хүч” сургалтын төв ямар хичээлээр элсэлтийн шалгалтад бэлтгэж байна вэ?
-Манайх физик, математикийн хичээлээр сурагчдад давтлага өгдөг. Өдөр бүр гурван цагаар хичээллэнэ. Одоогоор сурагчдаа бүртгэж байна.
-Сургалтын төвийн давуу талыг нэрлээч. Суралцагчид сонирхох байх?
-Сурагчдад түргэвчилсэн хэлбэрээр дадлага өгч байна. Өөрөөр хэлбэл, 14 хоногийн хугацаанд 42 цагийн хичээлийг үзэх юм.
-Төлбөрийн хэмжээ хэд вэ. Танайх хаана байрладаг юм?
-Сургалтын төлбөр 50 мянган төгрөг. Энэ мөнгөөр 14 хоногийн хугацаанд 42 цагийн хичээлийг бүрэн үзнэ. Манайх Баянгол дүүрэгт байрлах “Жонон” дээд сургуулийн байранд сургалтаа явуулж байгаа.
“Оюуны хүч” сургалтын төвийн захирал Н.Дашдаваа: 3-10 МИНУТАД БОДОХ БОДЛОГЫГ 20-60 СЕКУНДЭД БОДУУЛЖ СУРГАНА
-Элсэлтийн ерөнхий шалгалтыг хялбар гүйцэтгэх аргыг зааж байгаа гэж сонслоо. Сургалтын хөтөлбөрийнхөө талаар яриач?
-Манайх шалгалтын текстийг хамгийн хурдан хугацаанд бөглөх 12 аргыг заадгаараа онцлог. Өөрөөр хэлбэл, математикийн элсэлтийн ерөнхий шалгалтын 3-10 минутад бодох бодлогыг 20-60 секундэд бодох аргачлал юм.
-Хичээлийн цагийг сонирхъё?
-Долоо хоног бүрийн 14-17 цагийн хооронд хичээллэдэг. Нэг цаг нь 2000 төгрөг.
-Сургалтын төв хаана байрлаж байна вэ?
-Баянгол дүүрэг дэх “Сэрүүлэг” дээд сургуулийн 201 тоотод хичээллэж байна.
ЭЕШ-Д БЭЛТГЭЖ БУЙ СУРГАЛТЫН ТӨВИЙН ХАЯГ, БАЙРШИЛ
-“Номын гэгээ” сургалтын төв
Математик, монгол хэл, монгол бичиг
Хаяг: Тэнгис кино театрын ард “Чимэг” төв 207 тоот
Утас: 88260830, 70149199
-Тэргүүний өргөмжлөлт “Арлекин” сургалтын төв
Бүх төрлийн хичээлээр элсэлтийн шалгалтад бэлтгэнэ.
Хаяг: “ТБД андууд” худалдааны төв, Нэгдүгээр хороолол Саппорогийн буудлын ард “Бармон” building
Утас: 99881787, 91371787
-“Орших цэг” сургалтын төв
Элсэлтийн ерөнхий шалгалтад бэлтгэнэ.
Хаяг: “ТБД андууд” худалдааны төвийн зүүн талын “Их монгол” дээд сургуулийн нэгдүгээр давхар
Утас: 99813592, 99891697
-Атом физикийн сургалтын төв
Физикийн хичээлээр элсэлтийн шалгалтад бэлтгэнэ. Туршилт хийх лабораторитой.
Утас: 99848363
-“Үүрийн гэгээ” сургалтын төв
Элсэлтийн ерөнхий шалгалтад бэлтгэнэ.
Хаяг: III, IV хороолол, Элбэг их дэлгүүрийн дэргэд
Утас: 91191198, 98075588
