Нийслэлийн гудамж, зам, талбайд элдэв өнгө хийцтэй, нэгдсэн заг­варгүй, гадаад хэлээр бич­сэн зар, сурталчилгааны самбар олон байна. Энэ нь хотын өнгө үзэмжийг до­рой­туулж, иргэдийн эрүүл, аюулгүй орчинд амьдрах эрхийг зөрчих болсон. Энэ тухай шүүмжлэлийг иргэд хэл­дэг ч хотын захир­гаа­наас дорвитой арга хэмжээ авахгүй өдий хүрчээ. Дээрх шүүмжлэлийг удахгүй арил­гаж, ир­гэдийн гомдлыг бараг­дуулахаар боллоо. Улаан­баатар хотын Ерөнхий менежер гудам­жинд зар суртал­чилгааг байрлуулах чигийг тодор­хойлж,  шаард­лага, тоо хэмжээ, загварыг тогтоох “Гадна зар сурталчилгааны Зөвлөл”-тэй ажиллахаар болж байна.

Дүүргүүдийн Засаг дарга нар зөвлөлөөс өгсөн үүргийн дагуу зар суртал­чилгааг байрлуулах зөв­шөөрөл олгох, гэрээ байгуулах, сунгах, цуцлах  эрхтэй “Гадна зар сур­талчилгааны ажлын хэсэг”-тэй байхаар болжээ.

Гудамжны сурталчил­гааны нэгдсэн бодлогыг Нийслэлийн Засаг даргын Тамгын газраас боловс­руулж нэг мөр болголоо. Тодруулбал, нийслэлийн ИТХ-ын ээлжит бус чуулган өнгөрсөн долоо хоногт болж Улаанбаатар хотын нутаг дэвсгэр гадна зар сурталчилгааны бай­гууламж байрлуулах журмыг баталсан юм. Жур­­­­маар зар сур­тал­чил­гааны байгууламж байр­луулахыг хориглосон гудамж, зам талбайн жаг­саалтыг баталжээ. Үүнд, Соёлын өвд бүртгэлтэй Хөшөө дурсгал, түүх соёлын дурсгалт газрууд, музей, дархан цаазат газар, архитектурын өвөрмөц хийцтэй барилга бай­гууламж, сүм хийдийн барилга, түүний байнгын хашаа хайс, төрийн бай­гууллага болон нутгийн захиргааны байгууллагын барилга байгууламж, түүний эзэмшлийн газар багтжээ. Мөн жолооч нарын анхаарлыг сул­руулж осол гаргахад замын хажуугийн суртал­чил­гааны самбарууд нөлөөл­дөг гэсэн яриа бий. Тий­мээс энэ бүхнийг хар­галзан үзэж гадна зар сурталчилгааны тулгуурт болон гүүрэн байгуу­лам­жийг дор дурдсан гудам­ж замд байрлуулахыг хо­риг­лов. Жишээлбэл, Энх­тайваны өргөн чөлөө /Ба­руунаас Зүүн 4 зам/, Чин­гисийн өргөн чөлөө /Яар­магийн гүүрээс Төв шуу­дангийн уулзвар хүртэл/-нд тулгуурт болон гүүрэн бай­гууламж байр­луу­лахгүй байхаар тогтлоо. Мөн да­раах нэр бүхий гудамжинд зар сур­талчилгааны тул­гуурт болон гүүрэн бай­гуу­ламжийг байрлуу­лахгүй юм байна. Цаашдаа Сүх­баатарын, Их сургуулийн,  Жуулчны, Олимпийн, Их Монгол Улсын, Токио­гийн, Залуучуудын /Их сургуулиас-Сүх­баатарын гудамж/, Бага тойруугаас дотогш замуудад, Наадамчдын зам /Чингис Хаан Олон улсын нисэх онгоцны буудлаас Яармагийн гүүр хүртэл/-д том тулгуурт болон гүүрэн байгууламж бүхий сур­талчилгаа байр­шуулахгүй хэмээн журамлажээ.