Барилга, хот байгуу­лалтын салбарын талаар ярихаар яагаад ч юм бэ эрчүүдийн ажил мэт са­нагддаг. Ийм нийтлэг ойлголтыг эвдсэн хүний нэг нь Г.Байгалмаа. Ба­рилга, хот байгуулалтын дэд сайдын албыг хашиж буй Г.Байгалмааг хатуу, чангаараа  олонд танигд­сан гэж хэлж болно. Тэ­рээр эрхэм гишүүн Д.Оюун­хоролын эзэмш­лийн “Отгон­­тэнгэр” их сургуу­лийг дүүргэж, Нийг­­мийн ухааны “Ли­бер­ти” дээд сургуулийг төгсчээ. 2002 онд ШШГЕГ-т ахлах байцааг­чаар ажиллахдаа дээр өгүүл­сэнчлэн хатуу, чанга шаардлагатайгаа ха­руул­сан юм билээ.  Мөн 2006 оноос эхлэн улс төр лүү зүглэж,  “МоАХ-ны на­рийн бич­гийн даргын албанд олон хүнтэй өрсөлдөж цойлж гарсан” гэлцдэг. Зургаан жил МоАХ-ны нарийн бич­гийн даргаар ажил­ласан туршлага нь УИХ-ын сон­гуульд хүч үзэхэд гавьтай хэрэг болоогүй. Гэхдээ л  дэд сайд хэмээх зөөлөн суудалд хялбар хүрсэн азтай улстөрч эмэг­тэй хэ­мээн түүнийг нэрлэх нь бий.

Олон улсын эрхзүйч мэргэжилтэй, хол­боо­ны­хоо нарийн бичиг бүсгүйд Х.Баттулга сайд найдвар тавьж энэ албанд зүт­гүүлсэн нь хувь, хувьс­галыг хослуулж чаддаг   удирдагч хүний ухаан зарсан шийд­вэр хэмээн олонд харагд­лаа. Монгол Улсын хүчит заануудын нэг Ч.Гочоо­сүрэнгийн охин, МоАХ-ны нарийн бич­гийн дарга Г.Байгальмаад шинэч­лэлийн Зас­гийн газар ит­гэл хүлээл­гэлээ. “Хуульч бүсгүй барилгын салбарыг гадар­ладаггүй юм аа гэхэд ядаж хууль, тогтоомжийг нь сайж­руулж, цоорхойг нь цойл­дох байлгүй дээ. Чада­хаасаа чадахгүйгээ хүр­тэл ажилла гэж түүнийг “даам” гаргасан гэж най­дахаас” хэмээн яамны хууччуул шивэр, авир гэх юм билээ.