М.ХҮСЛЭН

Мали Исламын зартай хэт даврагчдын нэг, тус улс дахь “Аль-Кайда” бү­лэг­лэлийн толгойлогч бай­сан Мухтар Бельмух­та­рыг устгасан байна. Түү­нийг Чад улсын цэр­гийн­хэн буудан хо­роожээ. Түүний үхлийн тухай мэ­дээллийг Чад улсын теле­визээр мэ­дээл­сэн байна. Харин түүнээс өөр ямар ч эх сурвалж тэр талаар мэдээлээгүй аж.

Мухтар Бельмухтар нь Мали дахь “Аль-Кайда”-гийн бүлэглэлийг тол­гойлж байсан. Тэрээр өн­гөр­сөн нэгдүгээр сард Ал­жир дахь газрын тосны үйлд­вэрт олон зуун ажилч­дыг барьцаалсан ажил­лагааг удирдсан юм. Барьцааны хүмүүсийг сул­­лах үеэр 37 хүн амь үрэгдэж байжээ. Ал­жирын хээрийн захирагч Мухтар Бельмухтар 1991 онд Афганистанд очиж можахедуудын эгнээнд байлдаж явжээ. Тэнд зүүн талын нүднээсээ салж байжээ. Харин 1993 онд Алжирт буцан ирж “Аль-Кайда” бүлэглэлийг бай­гуулжээ. Түүнийг эрх ба­риг­чид олон хэрэгт бу­руут­гаж улс даяар эрж хайх болсноор тэрээр Алжираас зугтаж Мали ул­сын хойд хэсэгт бүгжээ.  

Чадын армийн ге­не­рал Захари Говонг­вегийн мэдээлснээр Мухтар Бель­мухтарыг устгас­наас гадна зэвсэгт дайч­дын 60 гаруй автома­шиныг ол­зол­жээ. Түүнч­лэн өнгөр­сөн баасан га­ригт Чадын Ерөнхийлөгч Идрисс Деби Мали улсын хойд хэсэгт “Аль-Кайда” бү­лэг­лэлийн бас нэгэн тол­гойлогч Абдельхамид Абу Зейдийг устгасан гэж мэ­дээлжээ. Тэрээр Хойд Аф­рик дахь “Аль-Кайда”-гийн салбарыг удирддаг байсан аж. Чадын зэвсэгт хүчнийхэн Франц, Мали улсын цэргийнхэнтэй хамт исламын хэт дав­рагч­дыг устгах ажилла­гаанд оролцож байгаа юм.