Д.БОЛОРМАА

1982 онд төрсөн энэ залуу гурван хүүхдийн аав. Юнител группыг үүсгэн байгуулахад хүчин зүт­гэсэн холбооны инженер. Юнителд анх техникчээр ажилд орж байсан залуу өдгөө Техникийн газрын захирал болж дэвшин ажиллаж байна. Энэ нь түүний ажилдаа зориулсан цаг хугацаа, гаргасан ам­жилтыг нь тодорхой­лох үзүүлэлт юм. Энгийн нэг ажилтнаас газрын захир­лаар дэвшсэн түүний та­лаар цухас өгүүлэхэд ийм байна. Ингээд Юнител группын Техникийн газ­рын захирал Д.Энхбаттай ярилцснаа хүргэе.

-Сар шинийн өдрүүдэд та­найтай холбоотой нэг рек­ламыг олон удаа үзлээ. Инженер бололтой нэг за­луу өвлийн хүйтнийг үл аж­ран хөдөө очно. Дараа нь ажил руугаа утасдаж сүл­жээ оруулж байгаа ту­хай. Үйлчлүүлэгч бид тэр рек­ламаар сүлжээ нэвт­рүү­лэх нь ямар их шат дамж­лагатай байдгийг ан­заарлаа. Үүнээс өмнө энэ тухай бодож байсангүй?

-Юнител групп нь үү­сэн байгуулагдсан 2006 оноос хойш 350 гарансум, суурин газар сүлжээгээ оруулжээ.

Энэ бүхний цаана нөр их хөдөлмөр зүтгэл, сэтгэл шин­гэсэн байдгийг хэрэглэгчдийн маань төлөөлөл болсон таныг анзаарч ойлгосонд би их баяр­тай байна. Сумын нэг залуу "Манайд сүлжээ орчихож" гэж уулга алдах хүртэл бүхэл бүтэн баг хамт олны хүчин чармайлт байдгийг онцолж хэлэх ёстой. Өнөөдөр Монголын бүх сум сууринг хамарч өөрийн сүл­жээр оруулсан үүрэн телефоны оператор одоогоор байхгүй байна. Бүгд болохын төлөө өрсөлдөж бас уралдаж байна. Харин Юнител групп нь үүсэн байгуулагдаад долоон жил болж байгаа ч энэ хугацаанд Монгол орны 91.4 хувьд нь сүлжээгээ нэвтрүүлсэн гэдэг нь том ажил, том бүтээн байгуулалт гэж боддог юм. Ер нь сүлжээ асаах нэг хэрэг. Асаасны дараа урт удаан хугацаанд хэвийн найдвартай ажиллаж иргэдэд чанартай үйлчилгээг үзүүлэх нөхцлийг ханган ажиллах бас нэг том ажил байдаг юм.

-Өдөр, шөнө ялгахгүй ажилладаг байх нь ээ?

- Долоон хоногийн 24 ца­гийн турш ажилладаг юм шүү дээ /инээв/. Биднийг сонгож, итгэл найдвар хүлээлгэн хамтран ажиллаж байгаа нийт 1 сая гаран хэрэглэгчийнхээ төлөө бид ингэж ажиллах нь зүйн хэрэг биз ээ.

-Сүлжээ нэвтрүүлсэн аймаг, сумын тоо хэд байна вэ? Сүлжээ ороогүй сумаа тоолбол илүү цөөхөн байх?

-40 гаран сум үлдсэн байна. Гэхдээ бид зөвхөн сум гэж тооцдоггүй. Монгол нутаг маань уудам дэлгэр учраас cум суурингаас гадна зам дагуу газруудыг хүртэл сүлжээтэй байлгая гэж зорьж байна. Түүнчлэн аялал жуулчлалын бүс нутаг болон уул уурхайн төвүүдийг ч нэрлэх ёстой. Бид уул уурхайн компаниуд болон аялалын жуулчлалын баа­зуудтай хамтарч ажиллахад үргэлж нээлттэй байдаг. Өнгөрсөн жил гэхэд бид уул уурхайн компанийн хэрэгцээ шаардлагад үндэслээд шинэ төхөөрөмж оруулж ирсэн.

- Тэрхүү төхөөрөмжийнхөө талаар тодорхой мэдээлэл өгөхгүй юу?

-  Уул уурхай болон аялал жуулчлалын бүс нутгуудад газарзүйн байрлалаас нь шалт­гаалан ихэнхэд нь сүлжээ ороогүй байдаг. Иймд тэнд ажиллаж, амьдарч байгаа хүмүүсийн хэрэгцээг хангах, үргэлж гэр бүл, ойр дотныхоо хүмүүстэй холбоотой байх нөхцлийг нь бүрдүүлэх зорил­гоор бид Mini station төхөө­рөмжөө оруулж ирсэн юм. Хэрэглэхэд маш энгийн, суу­рилуулж ашиглахад авсаархан, үнэ хямд зэрэг онцлог давуу тал их бий. Бид хүсэлт тавьсан газар нь энэхүү төхөөрөмжөө суурилуулж өгөх бөгөөд ойр орчмоо найдвартай сүлжээгээр бүрэн хангаж чадна.Түүнчлэн  энэ төхөөрөмжөө өөр газарт шилжүүлэн суурилуулж ч болно. Гар утасны сүлжээ гэдэг хамгийн хялбар аргаар бие биетэйгээ холбогдох сонгодог арга юм шүү дээ.

-Сүлжээ нэвтрүүлэх тухай ярьж байна. Тэгвэл сүлжээ нэвтэрсний дараа нэг дуудлага, нэг мессежний цаана хэр их хүч хөдөлмөр байдаг юм бол. Бид бол хялбархнаар ярьж, бас бичдэг?

-Хурдан хугацаанд хэрэг­лэгчийн хүсэлтийг амжилттай биелүүлэх нь бидний зо­рилго. Бид секундаар бус мелльсе­кундаар ярьдаг. Хэрэглэгч хэн нэгэн рүү залгаад дуудах хүртэл удаан хүлээвэл сэтгэл ха­намжгүй болно шүү дээ. Олон улсын стандартад ч ний­цэхгүй. Тиймээс маш богино хуга­цаанд холболт тогтоох ёстой гэсэн зарчмын шаардлагад тулгуурлан бид ажилладаг.

-Интернэтийн орчинд ямар шинэчлэл хийж байгаа вэ?

-Хуучин ном бол ертөнцийг харах цонх гэдэг байлаа. Одоо бол интернет ертөнцийг харах цонх болчихжээ.Номноос унш­даг байсан бол интер­нэтээс үзэж бас сонсож байна. Юнител группын тухайд олон аргаар интернетийг түгээж байна. Нэгдүгээрт, интер­нетийг 3G сүлжээгээр дам­жуулан түгээж байна. Гар утсаараа хэрэглэгчид маань хамгийн тохиромжтой дата багцын үйлчилгээгээр дам­жуулан өндөр хурдаар интер­нэтэд орж байна. Нөгөөх нь айл өрх, албан байгуул­лагуу­дад ин­тернетийг Юнивишн компа­ниар дамжуулан түгээж байна. Энэ компани маань гурвалсан үйлчилгээг нэвт­рүүлээд интернетийн хэрэг­лээг хязгааргүй болгосон. Мөн манай хамт олонд цаашид төлөвлөсөн нэлээд олон ажил бий.

-Би танайхаас өөр үүрэн телефоны хэрэглэгч л дээ. Нэг удаа дата үйлчилгээг гар утсаараа ашигласныхаа хариуд 150 мянган төгрөг төлж байсан тохиолдол бий. Танай компа­нийн интернет ашигласны дундаж үнэ нь хэд вэ?

-Олон төрлийн багц бий. Гэхдээ өдөр бүр онлайн байдаг хүмүүсийн хувьд 19,900 төг­рөгөөр бүтэн сар үнэгүй ашиг­лаж болох багц бий. Ер нь хэрэглэгчид маань өөрсдөө харьцуулалт хийх эрмэлз­лэлтэй байх ёстой. Рекламдсан дариуд нь сонгочихоод дараа нь амаа барьж таарахгүй. Олж хараад харьцуулалт хийвэл манайх хэрэглэгчдийн тэргүүн сонголт байх болно.

-Боловсон хүчний тухай асуумаар санагдлаа. Юнител групп Монголын 100 хувийн хөрөнгө оруулалттай компани гэдгээ батлах гэсэн шиг дотоо­дын боловсон хүчнээ дэмждэг гэх юм билээ?

-Манай группийн залуу­сын дундаж нас 27. Их залуу хамт олон. Манай техникийн газ­рын залуусын дийлэнх нь МУИС, ШУТИС-ийг төгссөн залуус байдаг. Тэд ажил дээр гарч ирээд их зүйлийг сурдаг. Компанийн зүгээс багагүй хө­рөнгө оруулалтыг гадаад до­тоо­дын шаардлагатай сургалт, семинарт зарцуулж байна. Онол практикийг хослуулан мөн дээр та сурна, чадна гэсэн дэмжлэгээр боловсон хүчнээ сайн цэнэглэж байна даа. Ер нь хамгийн чадварлаг боловсон хүчин манайд байдаг гэж ойлгодог шүү.

-Үндэсний тодотголтой томоохон компанид ажиллаж байгаагийн хувьд бахархал олон биз ээ?

-Надад ийм л зүйл бо­догддог юм. Юнител групп байгууллагын соёлыг чухал­чилдаг хамт олон. Ажилт­нуудын ажилдаа хандах ханд­лагыг маш өндөр хэмжээнд хүргэж чадсан газар. Намайг анх ажилд ороход дандаа өөдрөг сэтгэлтэй хүмүүс угтаж авсан. Өнөөдөр ч гэсэн өөдрөг хамт олон миний эргэн той­ронд сууж байна. Бид хийнэ, бүтээнэ, чадна гэсэн сэтгэл­тэй. Нөгөө талаас хамт олноо хуулийн хүрээнд ажиллах зарчмыг тархинд нь суулгаж өгсөн гэхэд болно. Ажилчдын сэтгэл ханамж, бие биендээ хүндэтгэлтэй ханддаг соёл ч бас өндөр.  Манай инжене­рүүдийн дунд нэг удаагийн томилолтоор явахдаа 56 хоног ажилласан хүн ч байна. Нэг жилийн хугацаанд сүлжээ хяналтынхаа төв дээр 100 шөнө ажиллаж байсан хүн ч бас бий. Ингээд бодохоор сэтгэл, зүр­хээ зориулан ажиллаж байгаа хамт олноороо өөрийн эрхгүй бахархмаар санагддаг юм даа.

-Монгол орны 91.4 хувьд нь сүлжээгээ нэвтрүүлсэн гэж бодохоор үүний цаана хөдөлмөр бас амжилт байгаа. Танд болон танай хамт олонд сүлжээтэй болгож өгсөнд баярлалаа гэх талархлын үг хэр их ирдэг вэ?

-"Холбоочиддоо баярлалаа" гэвэл гоё л сонсогдож байна. Гэхдээ энэ үгийг сонсдоггүй гээд гомдохгүй ээ. Гэр бүл, найз нөхөд, хамт олон минь гар утсаараа холбогдож чадаж байгаа нь л бидний хувьд маш том талархал юм даа.

- Юнителийг сонгохын учир нь юу вэ?

-Нэгдүгээрт, манай ком­пани зөвхөн ашгийн төлөө бус нийгэм, улс эх орныхоо өмнө хүлээх хариуцлагаа ойлгосон хамт олон. Бид бизнисийн ашгаас илүү чанарыг эрхэм­лэж, хэрэглэгчээ дээдлэн ажил­ладаг. Энэ бол манай хамгийн том давуу тал. Өнөө­дөр бид 100 хувь сүлжээ оруул­на гэж ярьж байгаа. Үүний цаана дан ганц бизнесийн сонирхол байхгүй гэдэг нь ойлгомжтой байх. Бид Мон­голыг холбоожуулах, дэлхий­тэй холбох үүргээсээ ухрахгүй, ашиггүй гээд орхихгүй. Хоёр­дугаарт, Юнител бол Монгол  компани. Юнителийн гэдэг өнөр айлын гишүүн болсноор улсдаа төлж байгаа татвар нь Монголд, хөрөнгө оруулалт нь Монголд, үйл­чилгээ ашиглас­ны төлбөр нь Монголын төлөө зориулагдана. Энэ миний бахархал.

-Хувийн чанартай асуулт асууя. Та өөрөө утасгүйгээр өнжиж үзсэн үү?

-Үзсэн. Орчноос тасарсан юм шиг санагдсан. 24 цаг богинохон ч нэг л зүйл дутаад байдаг юм билээ. Гэр орон яасан бол, хэн нэг нь холбогдох гээд чадахгүй байгаа юм биш биз дээ гээд л. Хүн гар утастайгаа байхдаа үүнийг анзаардаггүй юм билээ

- Ярилцлагынхаа төгсгөлд хэрэглэгчиддээ хандаад юу гэж хэлэх вэ? 

-Хүн бүрийн амьдралд олон нандин уялдаа холбоо байдаг. Энэ олон уялдаа холбооны цөм нь хүн та бид өөрсдөө юм. Тиймээс хүн бүрийн энэхүү нандин холбоосуудыгурт удаан хугацаанд найдвартай, бат бөх хадгалах нь Юнител группийн оршин байгаагийн илэрхийлэл билээ. Хэрэглэгчид та бүхэн бидэнтэй үргэлж хамт байж амьдралын нандин бүхэн­тэйгээ холбоотой амьдраарай.

-Ярилцсанд тань баяр­лалаа.