МИАТ-ийн хэмээх дуу­лиант хэргийн гол эз­нээр ТӨХ-ны дарга асан, өдгөө ҮХЦ-ийн гишүүн болсон Д.Сугар нэрлэг­дээд байна.

Байсхийгээд л гадаад дотоодод, Улаан­баатарт Өвөрхан­гайд гээд л хаус, зочид буудлын сураг нь дэлгэгдчихдэг энэ эрхэм нутгийнхаа ойн наадмаар онгоцоор мо­рилж, өөрийн­хөө нэртэй цаас бүхий чихэр тараасан гээд хий­тэй түүх арвинтай.

Чалькотой байгуулсан ал­даатай гэрээний гол эз­нээр бас л нэрлэгдэж буй.

Гэхдээ Чалькогоос өм­нө МИАТ-ийн асуудал нь сөхөгдчихөв бололтой. Түү­нийг Цэ­цийн гишүү­ний дархан эрх хамгаалж байгаа гэх бо­ловч яг үнэн­дээ ялагдал хүлээсэн ч сө­рөг хүчин болж чадсан Ар­дын на­мынх нь нөөлөг хэрэгтэй цаг ирээд буй. Гэвч нам нь Д.Сугарыг “сугалж” авч үл­дэх бодол­гүй байгаа аж. Үүнийгээ Ардын намын­хан урдаа барьдаг хуульч гишүүн Ц.Нямдоржоороо дамжуу­лан илэрхийлэв. Тодруул­бал, “Д.Сугар энэ хэрэгт яаж ийгээд хол­бог­доно. Хэрэг Д.Сугарыг ТӨХ-ны дарга байхад болсон юм билээ. Хэрэгт хол­богдсон МИАТ-ийн дарга нар ч Д.Сугарын үед томи­логд­сон. Тэр ч хуулийнхан на­даас асуух юм байгаа гэж хэвлэлд өөрөө ярьсан бай­на лээ” хэмээн мэ­дэгдэв.

Эндээс үзвэл Ардын нам МИАТ-ийн хэргийг Д.Сугарыг өгөөд ч болов түр­гэн хугацаанд нэг тийш болгох сонирхолтой байна хэмээн учир мэдэх хүмүүс хэлж байна. Цаг­даа­гийн байгууллага Д.Су­гарын эрхийг түдгэлзүүлэх сана­лыг прокурорт тавь­сан. Прокурор хуулийн дагуу зохих байгууллагад хан­дана. Цэцийн хувьд Д.Сугарыг авч үлдэж, эрх баригчидтай тэрсэлдэх үндэслэл үгүй. Тий­мээс Д.Сугарын бүрэн эр­хийг түдгэлзүүлэх нь нэн тодор­хой боллоо гэсэн үг. Хү­рээг нь хумьсан МИАТ-ийн хэргийн хам­гийн том акул нь Д.Сугар л болж үлдэх нь.