Д.АРИУН
Эрүүл мэндийн яамны төрийн нарийн бичгийн дарга, доктор Ж.Хатанбаатар Энэтхэгийн Дели хотноо саяхан болсон Зүүн өмнөд Азийн орнуудын уламжлалт анагаах ухааны их хуралд оролцоод иржээ. Уг хурлыг Энэтхэгийн Аюурведийн их сургууль Дэлхийн эрүүл мэндийн байгууллагатай хамтран зохион байгуулжээ. Зүүн өмнөд Азийн орнууд энэ удаад бүс нутгийн улс орнууд дахь уламжлалт анагаах ухааны хөгжлийн өнөөгийн байдал, дэлхий нийтийн чиг хандлага, цаашдын хөгжлийн асуудлыг авч хэлэлцсэн байна. Доктор Ж.Хатанбаатар энэ хуралд Монголын уламжлалт анагаах ухааны хөгжлийн талаар илтгэл тавьснаас гадна хоёр дахь өдрийн хуралдааны даргалжээ. Мөн Энэтхэг улсын Эрүүл мэндийн сайдтай уулзаж, хамтран ажиллах талаар санал солилцсон байна.
