Д.БОЛОР

Булган аймгийн цаг­даа­гийн газрынхан олон удаа банк дээрэмдэхийг завдсан бүлэг этгээдийг илрүүлэн саатуулжээ. Тэд  өнгөрсөн долоо хоногт Булган сумын “Эрдэнийн сан” лом­бар­дын цоожийг эвдэн орж сейфийг нь хул­гайлаад зугтсан юм.

Эх сурвалжийн мэ­дээлс­нээр хэргийг Сэ­лэнгэ аймгийн Сайхан су­мын Номгон тосгоны за­луус үйлдсэн гэнэ. Тэдний үйл­дэл үүгээр зогсохгүй өмнө нь хэд хэдэн банк дээрэм­дэхийг завдаж бай­жээ. Тухайлбал, Булган айм­­гийн Да­шинчилэн сум дахь ХААН банкны ца­хил­­гааны эх үүсвэрийг таслан дээрэмдэхийг завд­сан. Сэлэнгэ айм­гийн Жавхлант сумын Хад­галамж банкинд мөн ийм аргаар дээрэмдэхийг зав­даж байжээ. Тухайн үед до­хио­лол ажиллаж зугтсан тухайгаа хүлээсэн байна. Тэдний  хэрэг үүгээр дуусахгүй Сэлэнгэ аймагт  хүнсний дэлгүүр тонож, 2.5 сая төгрөгний хохирол учруулсан. Өвөрхангай аймагт барааны дэлгүү­рийн  хаалга эвдэн орж 300 хос гутал, булган шуба хулгайлж 47.0 сая төг­рөгийн хохирол уч­руул­сан гэх. Хэргийг Бул­ган айм­гийн Цаг­даагийн газарт шалгаж байна.