О.ЧУЛУУТ
Нийслэл, дүүргээс өнгөрсөн жилүүдэд хүүхэд тоглож, хөгшид нарлах талбайг тохижуулах ажилд ихээхэн хөрөнгө, мөнгө төсөвлөж бүтээн байгуулалтын ажил хийж ирсэн. Тэр ажил төд удалгүй зүсээ хувиргаж мөнгөтэй эрхмүүдийн мэдэлд очиж, орон сууцны барилга сүндэрлэдэг жишиг нийслэлд тогтсон гэж хэлж болох аж. Баянзүрх дүүргийн нутаг Жуковын хөшөөний орчимд тус дүүргийн ЗДТГ-аас хүүхдийн тоглоомын талбай байгуулж олон сая төгрөг зарцуулаад хоёр жилийн нүүр үзэлгүй төрхөө ийн өөрчилжээ. Тоглоомын талбай, усан сангийн оронд худалдааны төв сүндэрлэж мэдэх нь ээ. Хотын шинэ удирдлагууд хууль бус барилгын ажлуудыг зогсоож байгаа ч энэ нууц барилгын ажил барилгын улирал ирэхтэй зэрэгцээд удахгүй эхлэх вий дээ.
