М.ГАН

УИХ-ын хаврын ээл­жит чуулган ирэх дө­рөв­дүгээр сарын 5-нд эхлэх хуулийн хугацаатай. Чуул­ганаар 13 асуудал хэлэл­цэхээр УИХ-ын дар­га захирамж гаргасан байна. Үүнд Газрын багц хуулийн төсөл болон газрын төлбөрийг хэлэлцэхээр тусгажээ. Харин намрын чуулганаар хэлэлцэж эхэлсэн УИХ-ын дэгийн тухай хуулийн төслүүд энд багтаагүй аж. Гишүүд ху­руу­ны хээгээр бүртгүүлж санал өгдөг болох, найман удаа 50 хувиас дээш ирц бүрдүүлээгүй бүлгийг татан буулгахаар заасан Дэгийн тухай хуулийн нэмэлт, өөрч­лөлтийг нам­рын чуул­ганаар хэлэлцэж эхэлсэн ч хойшлуулсан юм. Эдгээр төсөл хаврын чуулганы хэлэлцэх асууд­лын да­раалалд тусгаг­даа­гүй бай­на. Гэхдээ бусад асуудлын хүрээнд хэлэл­цэж магадгүй юм. 2013 оны хаврын чуул­га­наар хэ­лэлцэх асууд­лын дарааллыг нийтлэв.

1/”Монгол Улсын 2012 оны төсвийн гүйцэт­гэл, Засгийн газрын сан­хүүгийн  нэгдсэн тайлан батлах тухай” Улсын Их Хурлын тогтоолын төсөл;

 2/Монгол Улсын 2014 оны төсвийн хүрээний мэдэгдэл, 2015-2016 оны төсвийн төсөөллийн тухай хуулийн төсөл;

3/”Монгол Улсын эдийн засаг, нийгмийг 2014 онд хөгжүүлэх үндсэн чиглэл батлах тухай” Ул­сын Их Хурлын тогтоо­лын төсөл;

4/Монгол Улсын эдийн засаг, нийгмийг 2012 онд хөгжүүлэх үндсэн чиглэлийн биелэлт;

5/”Улсын төсвийн хөрөнгөөр 2014-2016 онд хэрэгжүүлэх хөрөнгө оруу­лалтын хөтөлбөр батлах тухай” Улсын Их Хурлын тогтоолын төсөл;

6/Газрын тухай хуу­лийн төсөл /Шинэчилсэн найруулга; 

7/Газрын төлбөрийн тухай хуулийн төсөл /Ши­нэчилсэн найруулга/; 

8/Газрын кадастрын тухай хуулийн төсөл /Шинэчилсэн найруулга/; 

9/Геодези, зураг зүйн тухай хуульд нэмэлт, өөрчлөлт оруулах тухай хуулийн төсөл;

10/Нийслэлийн гэр хорооллыг дэд бүтэц­жүү­лэхэд шаардагдах санхүү­гийн арга хэмжээний тухай хуулийн төсөл;

11/Иргэний эрүүл мэн­дийн даатгалын тухай хуулийн төсөл /Шинэ­чилсэн найруулга/;

12/Төрийн албаны ту­хай хуульд нэмэлт, өөрч­лөлт оруулах тухай хуу­лийн төсөл;

13/Баянмонгол “Эрдэ­нэс Монгол” компанийн тухай, Хүний хөгжил сан­гийн тухай хуульд өөрчлөлт оруулах тухай хуулийн төслүүд;

   14/бусад.