Д.СҮРЭН

Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотголыг УИХ-аар ба­тал­сан билээ. Төлөвлө­гөөнд тусгасан Сонгино­хайрхан дүүргийн 5-7 ду­гаар хороо Ханын мате­риал орчим, аравдугаар хороо Арьс ширний үйлд­вэрийн ажилчдын ний­тийн байр орчим, Сүхбаа­тарын 15 дугаар хороо Дам­бадаржаагийн 58 ду­гаар сургууль, Чингэлтэйн  12, 15 дугаар хороо 72 ду­гаар сургууль, долдугаар хороо МҮОНРТ-ийн ор­чим, Баянзүрхийн долду­гаар хороо Цэргийн их сургууль, 12 дугаар хороо­ны Амгалан орчмын зэрэг 12  байршилд бүтээн бай­гуу­лалтын ажлыг ирэх дөрөвдүгээр  сараас эхлүү­лэхээр болсон. Үүнтэй хол­богдуулан нийслэлийн Засаг дарга Э.Бат-үүл өчиг­дөр гэр хорооллын дахин төлөвлөлтийн та­лаар захирамж гаргалаа.  Захирамжид,  гэр хороол­лын дахин төлөвлөлт хий­хээр баталсан 12 байрш­лын нэгж талбарт хам­рагд­сан газар эзэмшигч, ашиглагч, өмчлөгч иргэд, аж ахуйн нэгжийн судал­гааг өнөөдрийн дотор гар­гахыг нийслэлийн Өм­чийн харилцааны газрын дарга Ш.Төмөрбаатар, Гэр хорооллын хөгжлийн газ­рын дарга Ш.Ганхуяг нарт даалгажээ. Тухайн байр­шилд газар эзэмших, ашиг­лах, өмчлөх эрх шил­жүүлэхийг хэсэгчилсэн ерөнхий төлөвлөгөөний зу­раг төслийг боловсруулж батлуулах хүртэл түр зог­соох­оор болжээ. Тэнд амь­дарч байгаа иргэдийн шил­жилт, хөдөлгөөнийг түр зогсоож, бүртгэлд өөрч­лөлт оруулахгүй байхыг нийслэлийн Ул­сын бүртгэлийн газрын дарга С.Содномдорж, дүү­рэг, хороодын Засаг дарга нарт үүрэг болгожээ.