Б.НОМИН

С.Зориг агсны хэрэгт холбогдуулан Монгол Улсын иргэн Ч, Х нарыг энэ сарын 10-11-нд шил­жих шөнө АНУ-д барив­чилсан гэх мэ­дээл­лийг тодруулахаар ГХЯ-ны хэв­­лэлийн ал­баны ажил­тантай холбог­доход, “Энэ асуудал ма­най яаманд хамаагүй уч­раас мэдээлэл өгөх бо­ломж­гүй” гэлээ. Тэднийг баривчлах ажил­лагааг АНУ-ын тус­гай хүчнийхэн гүйцэтгэ­сэн гэж буй. Сэжигтэн Ч, Х нарыг манай улсын хууль хяналтынхан Интер­по­лоор эрэн сурвалжилж байсан гэх мэдээлэл ч байна. Тэднийг баривч­лахын тулд АНУ-ын тусгай хүчний бүрэн зэвсэглэсэн таван цагдаа гэрт нь дай­ран орж саатуулсан байна. Ч, Х нар 13-14 жил АНУ-д амьдарч байгаа гэнэ. Тэдний нэг нь  барилгын ажил хийдэг бол нөгөөх нь хоолны газарт ажилладаг байжээ. Ойр дотныхон нь тэднийг яагаад барив­чил­сан талаар АНУ-ын хууль хянал­тынх­наас асууж лав­лахад, “Монгол Улсын Засгийн газрын хүсэлтээр барив­чил­сан, С.Зориг гэх хүний аллагатай хол­боотой гэ­сэн. Хэрэв батлан даалтад гаргахыг хүсч байгаа бол нэг сая ам.доллар төл” хэмээсэн гэнэ. Харин цагдаа­гийн­хан “Энэ ташаа мэдээлэл. С.Зоригийн хэрэгт хол­богдуулж хүн баривч­лаагүй” гэсэн тайлбарыг өгөв.